कता छ त्यो यूएन?
के गर्दैछ, त्यो सुरक्षा काउन्सिल?
के हेर्दै छ, त्यो अन्तर्राष्ट्रिय न्यायालय?
कता लुकेका छन्, ती मानवअधिकारवादीहरु ?
निहत्था हामी माथि
पुनः हथियारधारी अत्याचारीले प्रहार गरेको छ
पटकपटक बलात्कृत हाम्री आमा
विगतको घाउ नओभाउँदै
आज फेरि बलात्कृत भएकी छन्
त्यो पनि तिमीहरुकै अगाडी
देखिरहे कै छौ तिमीहरु पनि
के त...!
अघि झैं आज पनि
हेरिनै रहन्छौ त?
कि 'नभा' आँखा चिम्लिएरै बस्छौ त?
के उद्धेश्य हो तिम्रा ती संघ-संस्थाहरुको?
के?
मात्र उफार्ने र थचार्ने ?
बलात्कारी बन्दुकधारी छ
निहत्था हामी छौं!
