नेपालमा पछिल्लो २४ घन्टामा थप २१ सय ११ जनामा कोरोना संक्रमण पुष्टि भएको छ। ९ हजार ५ सय ३३ पीसीआर परीक्षण गर्दा उनीहरुकाे संक्रमण पुष्टि भएकाे हाे।
पछिल्लो २४ घण्टामा काठमाडौं उपत्यकामा थप १२ सय ७ कोरोना संक्रमित देखिएको स्वास्थ्य तथा जनसंख्या मन्त्रालयले जनाएको छ।
शुक्रबार संक्रमित पुष्टि हुनेमा ५ सय २६ महिला र ६ सय ८१ पुरुष रहेका छन्।
काठमाडौंमा ९ सय १९, भक्तपुरमा १ सय ८ र ललितपुरमा १ सय ८० जना नयाँ संक्रमित थपिएका हुन्। देशभर आज संक्रमित पुष्टि हुनेमा २१ सय ११ रहेका छन्।
मन्त्रालयका अनुसार शुक्रबार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या २ लाख ६ हजार ३ सय ५३ पुगेको छ।
यस्तै कोरोना संक्रमणबाट मृत्यु हुनेको संख्या १२ सय नाघेको छ।
पछिल्लो २४ घन्टामा नेपालमा थप १३ जनाको कोरोना संक्रमणबाट मृत्यु भएको मन्त्रालयले जनाएको छ। याेसँगै मृतककाे संख्या १२ सय २ पुगेको छ।
