काठमाडौं उपत्यकामा ६९६ जना संक्रमित थपिएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टायता काठमाडौंमा मात्र १९४ महिला र ४२६ पुरुषमा संक्रमण पुष्टि भएको छ। 

यस्तै, ललितपुरमा १७ महिला र २१ पुरुष तथा भक्तपुरमा १७ महिला र २१ पुरुष संक्रमित थपिएका छन्। गत २४ घण्टामा देशभर कोरोना भाइरसका १ हजार ४५४ जना नयाँ संक्रमित थपिएका छन् भने ५ जनाको मृत्यु भएको छ।

हिजोको तुलनामा केही  कम संख्यामा पीसीआर परीक्षण भए पनि संक्रमित भने थपिएका छन्। हिजो २४६ जना संक्रमित भेटिएका थिए। पछिल्लो २४ घण्टामा ९७२ जना कोरोना संक्रमण मुक्त  भएर घर फर्किएका छन्। त्यस्तै ५ जनाको मृत्यु भएको छ।

अहिले देशभर सक्रिय संक्रमितको संख्या १४ हजार ९२५ रहेको छ।