रौतहटको पूर्वीभेग गढिमाई नगरपालिकास्थित बागमती नदिमा नुहाउन जाँदा बेपत्ता भएका तीनैजना बालिकाको शव फेला परेको छ।

गत ७ गते बिहान १० बजे गढीमाई नगरपालिका ७ धर्मपुर टोल बस्ने भदै मुखियाको छोरी वर्ष १० की पिंकुकुमारी मुखिया, सोही टोलका लक्ष्मण दासको छोरी वर्ष १२ की सुशिताकुमारी दास र छट्टु मुखियाको छोरी वर्ष १० की चन्चलकुमारी मुखिया  ऋषि पंचमिको अवसरमा बागमती खोलामा नुहाउन जाँदा बेपत्ता भएका थिए। ।

प्रहरी चौकी धर्मपुरबाट र ईप्रका समनपुरबाट क्षेत्रबहादुर बरुवालको कमाण्डमा खटिएको टोलीले स्थानीयको सहयोगमा खोजतलास गर्दा सोहीदिन अपरान्ह ३ बजे  पिंकुको शव भेटिएको थियो।

 ९ गते हिजो माधवनारायण नगरपालिका ८ स्थित बागमति खोलाको किनारमा सुशिताको र राजदेवी नगरपालिका ९ ब्रम्हपुरीस्थित बागमति  खोलाको पूर्वपट्टी किनारमा चन्चलको शव फेला परेको रौतहट प्रहरी प्रवक्ता डिएसपी भरत श्रेष्ठले जानकारी दिए।