पर्सा प्रहरीले आठ किलो चरेससहित दुई जनालाई पक्राउ गरेको छ।

मंगलबार मनिअर्वा स्कुल सडकखण्डमा रहेको प्रहरीले बिआर २२ एजी ७३७२ नम्बरको मोटरसाइकलबाट उक्त बराबरको चरेस र एक किलो गाँजाको धुलो बरामद गरेको हो।

चरेससँगै पटेर्वासुगौली गाउँपालिका-५ बाट ४५ वर्षीय रामचन्द्र राय थारु र ५० वर्षीय जनार्दन थारुलाई पनि पक्राउ गरिएकाे छ।

उनीहरू दुबैले चार/चार किलो चरेस र पाँच/पाँच सय ग्राम गाँजा बोकेको प्रहरीले जनाएको छ। दुवैमाथि आवश्यक अनुसन्धान थालिएको प्रहरीले जनाएको छ।