पर्सा प्रहरीले यौन दुर्व्यवहार गरेकाे आरोपमा एकजनालाई पक्राउ गरेको छ। 

पर्साको मनवा बजारकी एक महिलामाथि यौन दुर्व्ययवहार गरेकाे आराेपमा साेही ठाउँका ३५ वर्षीय पुरुषलाई पक्राउ गरेकाे पर्सा प्रहरीले जनाएको छ। 

शनिबार साँझ पीडित महिला बजारबाट घर जाने क्रममा उक्त पुरुषले बलत्कार गरेको भन्दै पीडितका परिवारजनले प्रहरीमा निवेदन गराएका छन्। 

यता पर्सा प्रहरीका प्रवक्ता एंवम् प्रहरी नायब उपरीक्षक मनोजित कुँवरका अनुसार परिवारजनले बलत्कारको दावी गरेपनि स्वास्थ्य परीक्षणमा दुर्व्यहार मात्र पुष्टि भएको बताए ।

दोषी अहिले प्रहरीको हिरासतमा रहेको र घटनाको बारेमा थप अनुसन्धान भइरहेका प्रवक्ता कुँवरले बताए ।