प्रहरीले महागढीमाई नगरपालिका ७ बेनौली गाउँको सडकबाट स्रोत नखुलेको १६ लाख नेपाली रकम बरामद गरेको छ । 

शनिबार मोटरसाइक चलाउँदै आएका एक जनाले प्रहरीको टोली देखेर झोलासहित १६ लाख रकम फालेर भागेका थिए ।

 रकम फालेर भाग्ने व्यक्तिको खोजी भइरहेको प्रहरी नायब उपरीक्षक गौतम मिश्रले बताए ।

झोलामा ५०० दरको १६७६ थान र हजार दरको ७६२ थान नेपाली रुपैयाँ बरामद भएको छ । 

उक्त रकम हुन्डीको हुन सक्ने प्रहरीको अनुमान छ ।