वीरगन्ज महानगरपालिका वडा न.१२ स्थित प्रतिमा चोकमा रहेको त्रिशक्ति ईन्टरनेशनल ट्रेडिंगमा आगलागी भएको छ ।

बिहिबार राति करीव ८.३० बजे भएको आगालागी नियन्त्रणमा लिन घटनास्थलमा वीरगन्ज महानगर पोखरीया नगरपालिकाको वारूणयन्त्र पुगेका थिए।

विद्युत सर्ट भएर आगो लागेको र आगलागी नियन्त्रणमा आईसकेको जनाईएको छ। मेशिनरी पार्टस भन्डारण गरि राखिएको गोदाममा आगो लागेको थियो।

रेडियो वीरगन्जका प्रबन्ध निर्देशक ध्रुब साहको त्रिशक्ति ईन्टरनेशनल ट्रेडिङ्ग रहेको जनाएको छ। आगलागीबाट कति क्षति भएको यकिन विवरण प्राप्त भइनसकेको पर्सा प्रहरीले जनाएको छ।