पर्साको जगरनाथपुर गाउँपालिकाबाट सशस्त्र प्रहरीले ठूलो परिमाणमा चरेस बरामद गरेको छ। 

उक्त गाँजा लिएर तस्करहरु मकवानपुरको मनहरीबाट पर्साको पटेर्वा सुगौली हुँदै आइरहेको विशेष सुचनाको आधारमा मंगलबार बिहान ५ बजे सशस्त्र प्रहरीको गस्ती टोलिले पर्साको जगरनाथपुर गाउँपालिका २ दसौताको ओरिया खोला नजिकबाट बरामद गरेकाे हाे।

सशस्त्र प्रहरीको गस्ती टोलिलाई देख्ने बितिकै तस्करहरु बीस किलो चरेस फालेर भागेकाले पक्राउ गर्न नसकिएको सशस्त्र प्रहरीले दाबी गरेको छ।

बरामद गरिएको चरेसलाई  ईलाका प्रहरी कार्यालय पोखरियामा पठाइएको सशस्त्र प्रहरी निरीक्षक किशमान तामाङले जानकारी दिए।