राष्ट्रिय परीक्षा बोर्डले बिसं २०७६ सालको एसईईको परीक्षाफल मंगलबारभित्र प्रकाशित गर्ने तयारी गरेको छ।

बोर्डले आज वा भोलिसम्ममा परीक्षाफल प्रकाशित गर्नेगरी अन्तिम तयारी गरेको छ। बोर्डका एक अधिकारीका अनुसार सबै बोर्ड सदस्यलाई बैठकमा बोलाउने तयारी भइरहेको छ।

‘अन्तिम तयारी गरिरहेका छौ, मंगलबारभित्र गरिसक्नेछौ,’स्रोतले भन्यो। बोर्डले सबै कर्मचारी र सदस्यलाई आइताबारको लागि तयारी हुन आग्रह गरेको छ।

 बोर्डले परीक्षाफल प्रकाशित गर्नुअघि सहमतिको लागि सिसिएमसि मार्फत मन्त्रिपरिषद्मा प्रस्ताव पठाएको थियो । मन्त्रिपरिषदको बैठकले सावधानी अपनाएर परीक्षाफल प्रकाशित गर्न सहमति दिएपछि परीक्षाफल प्रकाशन गर्न लागिएको हो।