कालीकोटको महाबै गाउँपालिका ३ मा गएराति गएको पहिरोमा मृत्यु भएका सबैको सनाखत भएको छ ।

कालीकोटका प्रहरी प्रमुख श्यामबाबु ओलियाका अनुसार पहिरोमा परी १३ वर्षका पुष्प बिष्ट, ११ वर्षका प्रविण बिष्ट, १८ वर्षीया सविना बिष्ट, १५ वर्षीया आशा विष्ट, १३ वर्षकी शान्ति बिष्ट र १९ वर्षकी रेखा बिष्टले ज्यान गुमाएका छन्।

जसमध्ये रजबहादुर विष्टका ४ छोराछोरी र उनका दाजु डिलबहादुर विष्टका २ छोरी हुन्।

पहिराेमा परेकालाई उद्धार गर्न नेपाल प्रहरी, सशस्त्र प्रहरी, नेपाली सेना, स्थानीय बासिन्दा र जनप्रतिनिधिसहितको टोलीले खटिएकाे थियाे ।

प्रहरी प्रमुख ओलियाका अनुसार उनीहरु रातिको १२ बजेसम्म घरमै तीजको नाचगान गरिरहेका थिए। साेही समय घरमाथिबाट एक्कासी पहिरो आएपछि उनीहरु पुरिएका थिए।