रौतहटको कटहरीयास्थित लालबकैया नदी किनार गम्हरीया घाटमा हतियार देखाएर लुटपाट गर्न खोज्ने एकजना पक्राउ परेका छन्।

कटहरीयाबाट सरसामान खरिद गरेर मोटरसाइकलमा गैरहेका एकजना व्यक्तिलाई हतियार देखाएर मोबाइल र पैसा लुट्न खोज्ने मौलापुर नगरपालिका ३ गमहरियाका रामबाबु यादवको छोरा २५ वर्षीय राकेश यादव पक्राउ परेको प्रहरीले जनाएको छ ।

पक्राउ परेका यादव हाल ईलाका प्रहरी कार्यालय सन्तपुर दोस्तियाको नियन्त्रणमा रहेका छन्। 

घटनाबारे बिस्तृत जानकारी आउन बाँकी रहेको ईलाका प्रहरी कार्यालय बिजयपुरका इन्स्पेक्टर चन्द्रकिशोर साहले जानकारी दिए। 

आरोपी राकेश यादवसँगै रहेका एकजना भाग्न सफलभएको तर उसको बिआर ०५ यु ०३७७ नम्बरको पैसनप्रो मोटरसाइकल प्रहरीले नियन्त्रणमा लिएको इन्स्पेक्टर साहले बताएका छन ।