‘अयोध्या विवाद... राममन्दिर... बाबरी मस्जिद... हिन्दु-मुसलमान दङ्गा... तोडफोड... धार्मिक दंगा... हिन्दु परिषद्... सुन्नी वक्त बोर्ड... भारतीय जनता पार्टी...!’
सन् १९९० यता भारतका समाचार या विवरण सुन्नेका कानमा यी शब्द बारम्बार गुञ्जिने गरेका छन्। आज पनि यिनै शब्दका सेरोफेरोमा घुम्ने एक घटना भएको छ। भारतका प्रधानमन्त्री नरेन्द्र मोदीले उत्तर प्रदेशको रामकोटस्थित अयोध्या भनिएको स्थानमा चाँदीको इँटा राखेर राममन्दिर शिलान्यास गरेका छन्।
माथि उल्लेख अयोध्या विवादमा भाजपा बारम्बार संलग्न भएको पार्टी हो। अयोध्यामा रहेको बाबरी मस्जिद मध्यकालीन धार्मिक संरचना हो। यही संरचना रहेकै स्थानमा हिन्दुहरूका देवता राम जन्मेको भनी भारतका मानिस विश्वास गर्छन्।
