अज्ञात व्यक्तिले अपहरण गरेको भनेर झुक्याउनेलाई प्रहरीले पक्राउ गरेको छ।

पक्राउ पर्नेमा बाह्रबिसे नगरपालिका ४ का जीवन खत्री रहेका छन्। खत्रीले आफूले लिएकाे ऋण तिर्न नसकेपछि अपहरणमा परेको सूचना प्रहरीलाई दिएका थिए।

अपहरणमा परेको खबर आएपछि प्रहरी परिचालन गरेर १८ घण्टापछि उनलाई नियन्त्रणमा लिइएकाे हाे।

गत बुधबार साँझ ७ बजे सुनकोशी गाउँपालिका–५ यमुनाडाँडास्थित फूपूको घरमा बसिरहेको अवस्थामा खत्रीलाई प्रहरीले पक्राउ गरेको थियो।

पक्राउ गरेपछि साेधपुछ गर्दा उनी अपहरणमा नपरेको खुलेकाे जिल्ला प्रहरी कार्यालय सिन्धुपाल्चोकले जनाएको छ।

वर्ष दिनअघिदेखि गाउँमा कुखुरापालन गरेर बसेका उनले ऋण सापटी लिएको पैसा तत्काल तिर्नुपर्ने र  तिर्न नसकेपछि यस्तो नाटक गरेको प्रारम्भिक अनुसन्धानबाट खुल्न आएको जिल्ला प्रहरी कार्यालयका प्रमुख प्रज्वल महर्जनले बताए।

उनलाई अपहरणको नाटक गरी झुटा अपवाह फैलाइ समाजमा नकारात्मक प्रभाव पारेको अभियोगमा मुद्दा दर्ता गरी थप अनुसन्धान भइरहेको जिल्ला छ।