आज देशभर ३११ जना कोरोना भाइरस (कोभिड-१९) संक्रमित थपिएका छन्। स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले आज देशभरका विभिन्न प्रयोगशालामा गरिएको परीक्षणमा थप ३११ जनामा कोरोना भाइरस संक्रमित भेटिएको जानकारी दिए । आज अघिल्ला दिनमा देखिने संक्रमित भन्दा धेरै जनामा संक्रमण पुष्टि भएको छ । सक्रिय संक्रमितको संख्या ५ हजार १३९ रहको उनले बताए ।

आज थप १२१ जनाले कोरोना भाइरसलाई जितेका छन् । यसरी देशभर कोरोना भाइरसलाई जितेर घर फर्किनेको कुल संख्या १३ हजार ८७५ पुगेको छ । मन्त्रालयका अनुसार कुल संक्रमित मध्ये ७२.८ जना निको भएर घर फर्किएका छन् ।

पछिल्लो २४ घण्टाको अवधिमा ५ हजार ३२ जनाको पीसीआर विधिबाट परीक्षण गरिएको छ । १५ हजार ३३१ जना देशभरका विभिन्न स्थानमा निर्माण भएका क्वारेन्टाइनमा रहेका छन् ।