जुम्लाको कनकासुन्दरी -४ मा छाेराेले बाबुकाे हत्या गरेका छन्। ७५ वर्षीया बुबा दानबहादुर शाहीको आफ्नै छोरा ऐनबहादुर शाहीले हत्या गरेकाे जिल्ला प्रहरी कार्यालयका प्रहरी नायब उपरीक्षक लालबहादुर धामीले बिएल नेपाली सेवालाई जानकारी दिए। 

उनका अनुसार छोराले मदिरा सेवन गरेर घटना घटाएका हुन्। घटनापछि घाइते भएका बाबुलाई उपचारको लागि सदरमुकाम ल्याउदै गर्दा बाटोमा मृत्यु भएको हाे। 

उनकाे शव अहिले पोष्टमार्टमका लागि कर्णाली स्वास्थ्य विज्ञान प्रतिष्ठानमा राखिएको छ।

हाल छाेरालाई नियन्त्रणमा लिइएकाे प्रहरीले जानकारी दिएकाे छ। 

मृतक शाहीको टाउको, आँखा र कोखामा घाउ छ। उनी शाही नेपाल प्रहरीका पूर्व असई भएको प्रहरीले जानकारी दिएको छ।