गजुरी गाउँपालिका २ मलेखुस्थित फुर्केखोला र मलेखुबजार पुल छेउमा पहिरामा परेर बेपत्ता किशोरीको शव फेला परेको छ।

मृत्यु हुनेमा १७ वर्षीया निरुता परियार रहेको प्रहरीले बताएकाे छ। 

पहिरामा पुरिएकी निरुताको नेपाल प्रहरी, सशस्त्र प्रहरी नेपाली सेनालगायतले उद्धार गरेको उद्धारमा संलग्न रामहरि थापाले बताए।

पहिरो जाँदा पाँच घर पुरिएका छन्। घर पुरिएकालाई छिमेकीको घरमा राखिएको इलाका प्रहरी कार्यालय गजुरीका प्रहरी नायब उपरीक्षक खगेन्द्रराज खड्काले जानकारी दिए।

 घटनामा पाँचजना घाइते भएका छन् भने एक जनाको अवस्था गम्भीर छ।