आइतबार साँझ १ थान कटुवा पेस्तोलसहित प्रहरीले एक जनालाई पक्राउ गरेको छ । पक्राउ पर्नेमा जनकपुर उपमहानगरपालिका-८ बजरंग चोक डेरा गरी बस्ने सर्लाही हरिपुर्वा नगरपालिका-८ बसतपुर घर भएका २१ वर्षीय सुनिल कुमार अधिकारी रहेका छन् ।

जनकपुर उपमहानगरपालिका-९ जनकपुरधाममा पैदल हिँडिरहेका उनलाई जिल्ला प्रहरी कार्यालयबाट खटिएको प्रहरीले शंका लागी जाँच गर्ने क्रममा उनको साथबाट उक्त हतियार फेला पारी पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।