दिलिपजङ्ग शाह विशालबजार कम्पनीका प्रमुख कार्यकारी अधिकृत हुन् । ३ वर्ष बढी भयो होला उनले यो जिम्मेवारी सम्हालेको । उनी आएपछि कम्पनीले एक किसिमको उचाइ बनाउन सफल भएको छ । कृषि विकास बैङ्कको फस्टक्लास अफिसर भएर अवकाश पाएका उनको अर्काे परिचय साहित्यकार पनि हो ।
साहित्य क्षेत्रमा उनी दिलिप शाहको नामले परिचित छन् । जाजरकोटको खलङ्गामा जन्मिएका उनी हाल ललितपुरको महालक्ष्मी नगरपालिकास्थित टीकाथलीमा बस्दै आएका छन् । साहित्यमा गीत, कविता, गजल र कथा लेखनमा कलम चलाउँदै आएका उनको ६ वटा कथासङ्ग्रह प्रकाशित छन् । कथामार्फत चेतनाका बिगुल फुक्न रुचाउने दिलिप शाहसँग रातोपाटीको मेरो जीवन स्तम्भका लागि गरिएको कुराकानीको केही अंश ।
