झापाको शिवसताक्षी नगरपालिकाका मेयर चन्द्रकुमार शेर्माले चलाएको गाडी दुर्घटनामा परेको छ। दमक नजिकै रतुवा खोला पुलमा आइतबार दिउँसो गाडी दुर्घटनामा परेको हो।

मे १ झ १५२ नम्बरको नगरपालिकाको उक्त गाडी मेयर शेर्मा आफैंले चलाएका थिए। विपरीत दिशाबाट आएको टिपरसँग ठक्कर खाएपछि गाडी दुर्घटनामा परेको इलाका प्रहरी कार्यालय दमकले जनाएको छ।

झापा जिल्ला प्रहरी कार्यालयका प्रहरी नायब उपरीक्षक महेन्द्र श्रेष्ठले मेयरको लाइसेन्स भएको अनुसन्धानबाट खुलेेेको जानकारी दिए।

‘मेयर सापले आफै चलाएको गाडी दुर्घटना भएको खबर पाएका छौ, मेयर साप सकुशल हुनुहुन्छ’, झापा जिल्ला प्रहरी कार्यालयका प्रवक्तासमेत रहेका श्रेष्ठले भने,‘उहाँको लाइसेन्स भएको अनुसन्धानबाट खुलेको  छ।’

मेयर शेर्मा नेकपाबाट निर्वाचित मेयर हुन्।