उज्जैनको महाकाल मन्दिर जस्तै वाराणसीको काशी विश्वनाथ मन्दिरमा पनि ड्रेस कोड लागु हुने भएको छ। निर्धारित ड्रेस कोडअनुसार काशी विश्वनाथलाई स्पर्श गर्न अब पुरुषले धोती र कुर्ता लगाउनु पर्नेछ भने महिलाका लागि साडी अनिवार्य हुनेछ। 

पारम्परिक लुगा लगाउने भक्तले मात्र विश्वनाथको मूर्तिलाई छुन पाउने छन्। जिन्स, सर्ट, सुट लगायत अन्य पहिरनमा हुने भक्तले मन्दिरको दर्शन त गर्न पाउने छन् तर उनीहरूलाई मुख्य मुर्तिको स्पर्श निषेध हुनेछ। 

काशी विश्वनाथ मन्दिरको स्पर्श दर्शनका लागि ड्रेस कोड लागु भएपछि दर्शनको अवधि पनि बढ्ने छ। यसको निर्णय आइतबार मन्दिर प्रशाषन र काशी विद्धत परिषद्का विद्धानको बैठकले गरेको हो। 

नयाँ नियम मकर संक्रान्तिको दिनबाट लागु गर्ने तयारी भएको छ।