जिल्ला प्रहरी कार्यालय पर्साबाट खटिएको टोलीले अवैध रुपमा संचालित हुण्डी कारोवारमा संलग्न एक भारतीय नागरिकलाई पक्राउ गरेको छ। 

मंगलबार दिउँसो २ बजे रजत जयन्ती चोकस्थित सडक खण्डमा रक्सौलबाट वीरगञ्ज आउदै गरेको विआर ०१ सिके ९७९६ नम्बरको स्कुटीमा सवार भारत रक्सौल निवासी ४९ बर्षिय राजु कुमार श्रीवास्तवलाई प्रहरीले पक्राउ गरेको हो। 

उनको साथबाट स्रोत खुलाउन नसकेको नेपाली चार लाख पैत्तालिस हजार नगद बरामद भएको जिल्ला प्रहरी कार्यालय पर्साका प्रहरी उपरिक्षक सोमेन्द्र सिंह राठौरले बताए।  घटनाका बारेमा थप अनुसन्धान भइरहेको उनले जानकारी दिए।