गुल्मीमा एक युवा मृत फेला परेका छन्। धुर्कोट गाँउपालिका–४ जैसीथोकमा २२ वर्षीय कमल खत्री घरनजिकै मृत अवस्थामा भेटिएको हो।

खत्री शुक्रबार साँझ घरबाट हिडेका थिए। घरमा नआएपछि खोज्ने क्रममा बाटोबाट दुई सय मिटर तल मृत अवस्थामा भेटिएको जिल्ला प्रहरी कार्यालय गुल्मीका प्रहरी उपरीक्षक राजेन्द्रसिंह खड्काले बताए।

प्रहरीले घटनास्थलको मुचुल्का बनाई शवलाई पोष्टमार्टको लागि जिल्ला अस्पताल तमघासमा ल्याइँदै छ। घटनाबारे थप अनुसन्धान भइरहेको प्रहरीले जनाएको छ।