सिरहामा एक जनाले बन्चरो प्रहार गरी श्रीमतीको हत्या गरेका छन्। सिराहाको कर्जनाह नगरपालिका २ बन्दिपुर सलहेश टोलमा बुधबार बिहारी पासवानले बन्चरोले हानेर श्रीमतीको हत्या गरेको प्रहरीले जनाएको छ। 

पासवानले ४२ वर्षिया श्रीमती कुशेश्वरीको हत्या गरी फरार भएको प्रहरीले जनाएको छ।

बिहान घरमै दाउरा चिरीरहेका बिहारीले बन्दीपुर बजारबाट माछा बेचेर फर्किएकी श्रीमतीसँग बिवाद भएपछि बन्चरो प्रहार गरेको प्रहरीले जनाएको छ।

श्रीमतीको हत्यापछि फरार रहेका बिहारीको खोजी भईरहेको प्रहरीले जनाएको छ।