काठमाडौं। चालु आर्थिक वर्षको सुरुवातसँगै मालपोत कार्यालयमा भीड घट्यो। सरकारले ल्याएको भूउपयोग ऐनले जग्गाको उपयोगिता भन्दा बाहिर गएर उपयोग गर्न नदिने नीतिका कारण साना/ठूला सबै व्यावसायीहरु जग्गामा लगानी गर्न हच्किरहेका थिए।
सुरुवातको तीन महिना घरजग्गा किनबेचको कारोबार संख्या र संकलित राजस्व दुवैमा गिरावट आएको थियो। तर अहिले भने अवस्था फेरिएको छ।चालु आर्थिक वर्षको पहिलो ४ महिनामा काठमाडौंमा २४ हजार घरजग्गा किनबेच भएका छन्। गत वर्षको सोही अवधिमा भने १९ हजार घरजग्गा मात्रै किनबेच भएका थिए।
