BreakNLinks

शुक्रबार, ०८ अगस्ट २०२५

राजनीति

भिजिट भिसामा मुछिएकालाई सुमनाको ‘श्रद्धाञ्जली’

राष्ट्रिय स्वतन्त्र पार्टीकी सांसद सुमना श्रेष्ठले भिजिट भिसा प्रकरणमामा संलग्नहरूलाई श्रद्धाञ्जली दिएकी छन्। शनिबार उनले सामाजिक सञ्जालमार्फत यो भिजिट भिसा प्रकरण मात्र नभएर मानव तस्करी भएको बताइन्। उनले आफ्नै नागरिकहरूलाई मूल्य तोकेर बेच्ने र किन्ने विदेशीहरूलाई एकमुष्ट श्रद्धाञ्जली दिएकी हुन्। उनले भनेकी छन्, ‘यो भिजिट भिसा प्रकरण हैन, मानव तस्करी हो! आफ्नै छोराछोरीहरूलाई अनजान ठाउँमा बिना कुनै श्रम अधिकार संरक्षण पठाउने, त्यो ‘मूल्य’ तोकेर किन्ने विदेशीहरू र यस्तो विषयमा रोक्नुको सट्टा आफ्नो लागि भाग खोज्ने तपाईंहरू सम्पूर्णमा- हार्दिक श्रद्धाञ्जली- तपाईंलाई नर्क पनि प्राप्त हुन्न होला!’

बिएल संवाददाता

बिएल संवाददाता - काठमाडौं

जागरण अभियानबाट हौसिए प्रचण्ड, भन्छन्ः देश फेरि माओवादीमय हुने देखिरहेको छु

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले देशका वृद्धवृद्धाहरू, युवायुवतीहरू र बालबालिकाहरू एकचोटी फेरि माओवादीप्रति समर्पित हुने भाव पैदा भएको देखिएको बताएका छन्। ‘जनतासँग माओवादी-मध्यपहाडी (पुष्पलाल) लोकमार्ग जनजागरण अभियान’ अन्तर्गत कास्की रानीपौवा, पोखरामा आयोजित जनसंवाद कार्यक्रमलाई सम्बोधन गर्दै उनले निकै ठूलो जिम्मेवारी माओवादीको काँधमा र एकचोटी फेरि प्रचण्डको काँधमा नयाँ क्रान्ति एवम् अभिभारा दिन नेपाली जनता तयार भएको बताएका हुन्। उनले भने, ‘यो देशका वृद्धवृद्धाहरू, युवायुवती र बालबालिकाहरू पनि एकचोटी फेरि माओवादीप्रति समर्पित हुने भाव पैदा भएको देखिएको छ। देश माओवादीमय, स्वतन्त्रमय बन्दै गएको छ। हामी ०६४ जस्तै देश माओवादीमय हुने र प्रचण्डमय अवस्था देखिरहेको छु। निकै ठूलो जिम्मेवारी माओवादीको  काँधमा वा प्रचण्डको काँधमा नयाँ क्रान्ति एवम् अभिभारा दिन नेपाली जनता तयार भएको महशुस गरेको छु।’

बिएल संवाददाता

बिएल संवाददाता - पोखरा

जनकपुर पुगेर गृहमन्त्रीले भनेः गलत गरेको दिनबाट राजनीतिमा देखा पर्दिनँ

भिजिट भिसा प्रकरणमा मुछिएका गृहमन्त्री रमेश लेखकले आफूले गलत काम गरेको प्रमाणित भएको दिनबाट राजनीतिमा देखा नपर्ने बताएका छन्। शनिबार धनुषा जिल्लास्थित नेपाली कांग्रेसको पार्टी कार्यालयमा कार्यकर्ताले उठाएको प्रश्नको जवाफ दिँदै गृहमन्त्री लेखकले यस विषयमा आफूले केही दिनपछि बोल्ने तर गृहमन्त्रालयले आजै विज्ञप्ति निकालेर स्पष्ट पार्ने बताए। लेखकले भने, ‘केही दिनदेखि भिजिट भिसासँग जोडेर मेरो बारेमा समाजिक संजालमा लेख्ने काम भइरहेको छ। दुई/तीन दिन किन चुप लागेर बसेका थिएँ, यो कहाँबाट, कसरी, किन भइरहेछ भन्ने खोजीराखेको थिएँ। यस विषयमा मैले धेरै कुरा थाहा पाइसकेको छु। आजै काठमाडौं पुगेपछि मेरो मन्त्रालयले विज्ञप्ति निकाल्छ र दुई/चार दिनमा आफैं पनि केही कुरा बोल्छु। अनि देशभरका साथीहरूलाई प्रष्ट हुन्छ। त्यसो हुनाले त्यतातिर अहिले धेरै बोल्दिनँ।’

बिएल संवाददाता

बिएल संवाददाता - जनकपुरधाम

गृहमन्त्रीलाई नैतिकताको आधारमा राजीनामा दिन शेखरको सुझाव (भिडियोसहित)

नेपाली कांग्रेसका नेता डा. शेखर कोइरालाले गृहमन्त्री रमेश लेखकलाई नैतिकताको आधारमा राजीनामा दिन सुझाव दिएका छन्। शनिबार विराटनगर विमानस्थलमा सञ्चारकर्मीसँग कुरा गर्दै कोइरालाले गृहमन्त्रालय लेखककै अन्डरमा रहेकाले प्रश्न उठिसकेपछि नैतिकताको आधारमा राजीनामा दिएर छानबिनमा सघाउनु उपयुक्त हुने सुझाव दिएका हुन्। ‘अहिले रमेशजीको जुन कुरा आएको छ, गृहमन्त्रालय त उहाँकै अन्डरमा छ नि त। रमेशजीको कुरा उठेपछि नैतिकताको आधार राजीनामा दिएर छानबिन गर्नुस् तपाईँहरू भने भइहाल्यो नि, गृह मन्त्रालय त उहाँकै अन्डरमा छ नि त। उहाँले नैतिकताको हिसाब म क्लिन छु, मैले राजीनामा गरें, छानबिन समिति बनाउनुस् गर्नुहोस्, भने भइहाल्यो नि। त्यसले मोरल स्ट्याटस पनि देखिन्छ।’ भिजिट भिसा प्रकरणमा अख्तियारले छानबिन थालेपछि गृहमन्त्रीको समेत संगलग्नता गरहेको आरोप लागिरहेका छन्। गृह प्रशासन आफ्नै अन्डरमा रहेकाले अनुसन्धान निष्पक्ष हुनेमा आशंका उत्पन्न हुने भन्दै शेखरले लेखलाई मार्गप्रशस्त गर्न आग्रह गरेका हुन्।

बिएल संवाददाता

बिएल संवाददाता - काठमाडौं

प्रचण्डलाई कास्कीका पाँच वामपन्थी दलको ज्ञापनपत्र

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)लाई कास्कीका पाँच वामपन्थी समाजवादी दलहरूले संयुक्त ज्ञापनपत्र बुझाएका छन्। जनतासँग माओवादी मध्यपहाडी लोकमार्ग (पुष्पलाल लोकमार्ग) जनजागरण अभियानअन्तर्गत कास्की पुगेका प्रचण्डलाई बामपन्थी दलहरूले ज्ञापनपत्र बुझाएका हुन्। ज्ञापनपत्र बुझाउन नेपाल कम्युनिस्ट पार्टी, क्रान्तिकारी कम्युनिस्ट पार्टी, नेपाल समाजवादी पार्टी (नेसपा) लगायत अन्य समाजवादी धारका दुई दलहरू समेत सहभागी थिए।

बिएल संवाददाता

बिएल संवाददाता - कास्की

माओ सम्झिदै एमाले महासचिवः विरोधीहरूले ‘आलोचना’ गरे भने सम्झिनु हामी सही ठाउँमा छौं

नेकपा एमालेका महासचिव शंकर पोखरेलले माओको भनाइ सेयर गर्दै एमालेले राम्रो काम गर्दा विरोधीहरूले आलोचना गर्ने बताएका छन्। शनिबार सामाजिक सञ्जालमा माओले चिनियाँ क्रान्तिका सन्दर्भमा भनेको भनाइ सेयर गर्दै पोखरेलले एमालेजनलाई माओको भनाइ गहिरोगरी अनुभूत गर्न आग्रह गरेका छन्। उनले भनेका छन्, ‘विरोधीहरूले हाम्रा काम र नीतिको प्रशंसा गरे भने सम्झनु कतै भुल त भएको छैन? उनीहरूले तिखो आलोचना गरे भने सम्झनु हामी सही ठाउमा छौं।’ माओले चिनियाँ क्रान्तिका सन्दर्भमा भनेको यो भनाई एमालेजनलाई यतिबेला गहिरोगरी अनुभूती हुनु आवश्यक छ।’

बिएल संवाददाता

बिएल संवाददाता - काठमाडौं

रास्वपाले बोलायो, सचिवालय र केन्द्रीय समिति बैठक

शुक्रबार अबेर रवि लामिछानेलाई थुनामा राख्ने उच्च अदालत बुटवल इजलासको आदेशलाई सदर गर्दै सर्वोच्चले उनलाई ‘कसुरदार रहेनछन् भन्ने आधार नदेखिएको’ फैसला सुनाएको थियो।  त्यसलगत्तै रास्वपाको सचिवालय सदस्यहरूले भर्चुअल बैठक गरेका थिए। त्यही बैठकले आज केन्द्रीय समिति र सचिवालयको बैठक आह्वान गर्ने निर्णय गरेको हो।

बिएल संवाददाता

बिएल संवाददाता - काठमाडौं

धनुषा एमाले: रघुवीर गुटको नेतृत्व

मतगणनाको अन्तिम परिणाम अनुसार भोला यादव नेतृत्वको समूह प्यानलसहित विजय भएको छ। उनी नेता रघुवीर महासेठ निकट हुन्। भोला यादवले ४०२ मत प्राप्त गरेका छन् भने उनको निकट प्रतित्वन्दी लक्ष्मी नारायण यादवले मात्र २०२ मत प्राप्त गरेका थिए।

बिएल संवाददाता

बिएल संवाददाता - काठमाडौं

रविको रिट आज पनि सुनुवाइ हुने

राष्ट्रिय स्वतन्त्र पार्टी (रास्वपा)का सभापति रवि लामिछानेको बन्दी प्रत्यक्षीकरण रिट निवेदन र पूर्वडीआईजी छविलाल जोशीको रिटमा आज पनि सुनुवाइ हुने भएको छ। बिहीबार रविका तर्फबाट वरिष्ठ अधिवक्ता रमनकुमार श्रेष्ठले बहस गरेपछि पूर्वडीआईजी जोशीका कानुन व्यवसायीले बहस गरेका थिए। त्यसपछि सरकारी वकिलले बहस गरिरहेका छन्।

बिएल संवाददाता

बिएल संवाददाता - काठमाडाैँ

१९ बर्षसम्म द्वन्द्वपीडितले न्याय नपाएकोमा बाबुरामको आत्मालोचना

नेपाल समाजवादी पार्टी (नयाँ शक्ति) का अध्यक्ष डा.बाबुराम भट्टराईले सत्य निरुपण तथा मेलमिलाप आयोगको कामलाई छिटो सम्पन्न गर्नुपर्ने बताएका छन्।  बिहीबार काठमाडौंमा आयोजित ‘मानव अधिकार र लोकतन्त्रमा संक्रमणकालिन न्यायको असर’ विषयक नागरिक स्तरीय कार्यक्रममा उनले १९ वर्षसम्म द्वन्द्व पीडितको कुुरालाई थाती राख्ने कुरा दुःखलाग्दो भएको भन्दै यसबारे आत्मालोचना गरेर यो विषयलाई टुङ्गो लगाउनुपर्ने बताए। उनले भने, ‘सत्य निरुपण तथा मेलमिलाप आयोगको काम अझै सम्पन्न हुन सकेको छैन। हामीले केही महिना र वर्षभित्र सम्पन्न गर्ने भनेको कुरा १९ वर्षसम्म पूरा हुँदा द्वन्द्व पीडित परिवारको अवस्था के भएको होला? १९ वर्षसम्म यस्तो कुारालाई यसरी थाती राख्न मिल्छ? हामी सबै आत्मालोचक बन्नुपर्छ र यो विषयलाई टुङ्गो लगाउनुपर्छ।’

बिएल संवाददाता

बिएल संवाददाता - काठमाडौं

सहकारी ठगीमा एमाले नेता पक्राउ,

सहकारी ठगीमा काठमाडौं जिल्ला अदालतबाट दोषी ठहर भएका एमाले नेता कृष्ण अर्याल पक्राउ परेका छन्। सोह्रखुट्टेको दिगो पर्यटन सहकारी सस्थाबाट साढे ११ लाख ऋण लिएर नतिरेका अर्याललाई पक्राउपछि अदालती प्रक्रिया पूरा गरेर कारागार चलान गरिएको छ। २०७४ सालमा आफैं सञ्चालक समितिमा रहेका बेला लिएको ऋण हालसम्म पनि नतिरेको र राजनीतिक आडमा रकम पचाउन खोजेको सहकारीको आरोप छ। एमाले पेसागत विशेष प्रदेश कमिटीका सदस्य अर्याल एमालेको पर्यटन विभाग सदस्य समेत हुन्। हाल उनी एमाले उद्योग तथा व्यवसायी विशेष जिल्ला कमिटीका इञ्चार्जसमेत छन्।

बिएल संवाददाता

बिएल संवाददाता - काठमाडौं

रविको मुद्दा आज पनि हेर्दाहेर्दैमा

राष्ट्रिय स्वतन्त्र पार्टीका सभापति रवि लामिछानेको बन्दी प्रत्यक्षीकरण निवेदनको  सुनुवाइ आज पनि हेर्दाहेर्दैमा राखिएको छ। मंगलबारदेखि सुनुवाइ सुरु गरिएको रविको मुद्दा हेर्दाहेर्दैमा राखिएको थियो। तर, बुधबार संयुक्त इजलासका न्यायाधीशहरूको इजलास फरक-फरक परेपछि लामिछानेको मुद्दा हेरिएन। रविसँगै पूर्वडीआईजी छविलाल जोशीको मुद्दा पनि एकैपटक हेरिँदै छ।

बिएल संवाददाता

बिएल संवाददाता - काठमाडौं

पहिरो प्रभावितलाई एक सातापछि पठाइयो राहत

हुम्लाको उत्तरी नाम्खा गाउँपालिका-६ लिमीको तिलगाउँमा पहिरो गएको एक सातापछि कर्णाली प्रदेश सरकारले प्रभावितलाई राहत सामाग्री पठाएको छ। तिलगाउँमा गत जेठ १ गते सुख्खा पहिरो गएपछि १८ परिवार त्रिपालमुनी बसिरहेका छन्। बिहीबार हुम्लामा राहत सामाग्री पठाइएको कर्णालीको आन्तरिक मामिला तथा कानून मन्त्रालयका उपसचिव उत्तम गौतमले बताए। जिल्ला प्रशासन कार्यालय हुम्लाले माग गरे बमोजिम सामाग्री पठाइएको गौतमले बताए। पहिरो प्रभावितका लागि ५ सेट अस्थायी घर, २० क्वीन्टल खाद्यान्न, १८ सेट सोलार सिस्टम र म्याट्रेस लगायतका सामाग्री पठाइएको गौतमले जानकारी दिए।

बिएल संवाददाता

बिएल संवाददाता - सुर्खेत

बाँफिकोटका प्रशासकीय अधिकृत ‌‌ओलीसहित चारजनाविरुद्ध भ्रष्टाचार मुद्दा दायर

अख्तियार दुरुपयोग अनुसन्धान आयोगले रुकुम पश्चिम, बाँफिकोट गाउँपालिकाका प्रमुख प्रशासकीय अधिकृतसहित चारजनाविरुद्ध भ्रष्टाचार मुद्दा दायर गरेको छ। वडा नम्बर २ स्थित पिपलकाँडा मेलगौरी सडक खण्ड निर्माण योजनामा अनियमितता गरेको आरोपमा प्रमुख प्रशासकीय अधिकृत दूर्गबहादुर ओलीसहित चारजनाविरुद्ध विशेष अदालतमा मुद्दा दायर भएको हो। अख्तियारले उनीहरूविरुद्ध जनही २१ लाख  ६३ हजार ८५६ रुपैयाँ बिगो दावी र सजाय माग गरेको छ। अख्तियारका प्रवक्ता राजेन्द्रकुमार पौडेलका अनुसार सडक निर्माणका क्रममा अनियमितता गरेको पाइएपछि बाँफिकोटका प्रमुख प्रशासकीय अधिकृत ओली, प्राविधिक दलबहादुर ओली, लेखापाल महेन्द्र शर्मा र पिपलकाँडा मेलगौरी सडक योजनाको निर्माण कार्य गर्ने कम्पनी मालिका बस्नेत निर्माण सेवा छेडागाड, जाजरकोट र सोका प्रोपाइटर शान्तबहादुर बस्नेतविरुद्ध बुधबार विशेष अदालतमा आरोपपत्र दायर भएको हो।

बिएल संवाददाता

बिएल संवाददाता - काठमाडौं

हृदयन्द्रलाई राजा मान्न देउवा तयार भएकै हुन्? के भन्छ कांग्रेस?

नेपाली कांग्रेसले सभापति शेरबहादुर देउवालाई जोडेर राजसंस्थाका बारेमा प्रकाशित भएका समाचारको खण्डन गरेको छ। सभापति शेरबहादुर देउवा संवैधानिक राजतन्त्रप्रति सकारात्मक रहेको र पूर्वाराजा ज्ञानेन्द्र शाहका नाती हृदयन्द्रलाई संवैधानिक राजा स्वीकार्न तयार रहेको भन्दै समाचारहरू सार्वजनिक भएका थिए। कांग्रेसका मुख्य सचिव कृष्णप्रसाद पौडेलले बिहीबार एक विज्ञप्ति जारी गर्दै देउवाको धारणा भन्दै राजसंस्थाका बारे प्रकाशित भएको भ्रामक र कपोलकल्पित समाचारप्रति कांग्रेसको गम्भीर ध्यानाकृष्ट भएको बताएका छन्। उनले सभापति देउवा गणतन्त्रको संरक्षण र सम्वर्द्धनमा प्रतिवद्ध रहेको र यसमा नेतृत्वदायी भूमिका खेल्दै आएको उल्लेख गरेका छन्।

बिएल संवाददाता

बिएल संवाददाता - काठमाडौं

धावनमार्गमा ‘भ्वाङ’ परेपछि सुर्खेत विमानस्थल बन्द, अझै दुईदिन लाग्ने

सुर्खेत विमानस्थल थप दुई दिन बन्द गरिएको छ। विमानस्थलको धावनमार्ग (रनवे)मा खाल्डो परेपछि मंगलबारदेखि बन्द गरेर निर्माण थालिएको थियो। पहिले खाल्डो परेको ठाउँमा मर्मतको काम सकिएपछि अर्को ठाउँमा पनि जमिनमुनीबाट पानी निस्किएपछि थप दुई दिन बन्द गरी काम थालिएको विमानस्थल प्रमुख हिराजन काफ्लेले जानकारी दिए। बिहीबारदेखि विमानस्थल सुचारु गर्ने योजना भएपनि अर्को ठाउँको समस्याले फेरि दुई दिनका लागि विमानस्थल बन्द गरिएको काफ्लेले बताए। ‘पहिले भ्वाङ (खाल्डो) परेको ठाउँको मर्मत सकिए पनि नजिकै १० मिटरको दुरीमा पुनः अर्को ठाउँमा जमुनीमुनीबाट पानी निस्किएको छ,’ काफ्लेले भने, ‘दुई दिनमा काम सकेर विमानस्थल सञ्चालन सञ्चालनमा ल्याउने प्रयासमा छौं। खाल्डो परेको रनवे क्षेत्र यसअघि बस्ती उठाएर विस्तार गरिएको क्षेत्र हो।

बिएल संवाददाता

बिएल संवाददाता - काठमाडौं

लेखा समितिमा फेरि मोदी-ऋषिकेश नोंकझोंक, भाइरल हुन मनलाग्दी बोलेको आरोप

सार्वजनिक लेखा समितिमा आज पनि सांसद र सभापतिबीच चर्काचर्की भएको छ। बिहीबार सिंहदरबारमा बसेको सार्वजनिक लेखा समितिको बैठकमा बुधबारको जस्तै माहोल देखियो। समितिमा प्राप्त उजुरीउपर छलफलमा प्रमुख प्रतिपक्ष दल नेकपा माओवादी केन्द्रका सांसद अमनलाल मोदी र सभापति ऋषिकेश पोखरेलबीचको चर्काचर्कीले बुधबारकै अवस्था निम्ताएको हो। बैठकमा सांसद मोदीले समिति सत्तापक्ष दलको मात्र भएको भन्दै प्रतिपक्षलाई बोल्न समेत प्रतिबन्ध लगाइएको आरोप लगाएका थिए। ‘यहाँ विभिन्न दलको प्रतिनिधित्व गर्ने सांसद हुनुहुन्छ। सांसद भनेको सार्वभौम हो तर हामी प्रतिपक्षमा छौं। हामीले बोलेका कुराहरूमा तपाईंहरूले रोक्नुहुन्छ, यो दुर्भाग्य हो। हामीलाई प्रतिबन्ध लगाउन पाउनुहुन्न। प्रतिपक्ष दलले बोल्न पाउनुपर्छ। सार्वजनिक लेखा समिति प्रतिपक्षको पनि हुनुपर्यो भन्दा तपाईंहरू हुनुहुँदैन भन्ने? तपाईंहरूको हामी दास हो र?’

बिएल संवाददाता

बिएल संवाददाता - काठमाडौं

सहकारी ठगीमा एमाले नेता कृष्ण अर्याल पक्राउ

सहकारी ठगीमा अदालतबाट दोषी करार भएर फरार रहेका एमाले नता कृष्ण अर्याल पक्राउ परेका छन्। अदालतको पूर्जीका आधारमा प्रहरीले अर्याललाई काठमाडौंको सोह्रखुट्टेबाट पक्राउ गरी अपराध अनुसन्धान महाशाखा पठाएको छ। त्यहाँबाट उनलाई अदालती प्रक्रिया पूरा गराएर कारागार लगाने गरिने प्रहरीले जानकारी दिएको छ। ०७४ सालमा सोह्रखुट्टेकै दिगो पर्यटन सहकारी सस्थाबाट साढे ११ लाख ऋण लिएका अर्यालले रकम पचाउन खोजेपछि सहकारीले काठमाडौं जिल्ला अदालतमा मुद्दा दायर गरेको थियो। ऋण लिने बेलामा अर्याल आफैं सञ्चालक समितिमा थिए। ०७९ पुस ४ गते सहकारीले दायर गरेको मुद्दामा काठमाडौं जिल्ला अदालतले ०८० असार २७ गते ऋणी अर्यालको नाममा रकम भुक्तानी गर्न आदेश दिएको थियो।

बिएल संवाददाता

बिएल संवाददाता - काठमाडौं

अमेरिकामा इजरायली दूतावासका दुई कर्मचारीको गोली हानी हत्या

अमेरिकाको वाशिंटन डीसीमा इजरायली दूतावासका कर्मचारी जोडीको गोली हानी हत्या गरिएको छ। डीसी शहरमा रहेको यहूदी संग्रहालय बाहिर स्थानीय समयअनुसार बुधबार राति ९ बजेर ५ मिनेटमा गोलीकाण्ड भएको थियो। गोलीकाण्ड भएको स्थान एफबीआईको वाशिंगटन फिल्ड कार्यालयसहित धेरै पर्यटकीय स्थलहरू, संग्रहालयहरू र सरकारी भवनहरू भएको क्षेत्रमा पर्छ। आक्रमणपछि आक्रमणकारीले ‘स्वतन्त्र, स्वतन्त्र प्यालेस्टाइन’ भन्दै चिच्याएका प्रहरीले त्यहाँको महानगरीय प्रहरीले जनाएको छ। पीडित जोडी आक्रमणको समयमा क्यापिटल यहूदी संग्रहालयमा भएको कार्यक्रमबाट सहभागी भएर बाहिर निस्किएका थिए। प्रहरीका अनुसार हत्या पूर्व योजना बमोजिम भएको देखिन्छ।

बिएल संवाददाता

बिएल संवाददाता - काठमाडौं

पोखरा विमानस्थलको अनियमितता ‘अध्ययन प्रतिवेदन’ अख्तियारमा पठाउने लेखा समितिको निर्णय

सार्वजनिक लेखा समितिले पोखरा अन्तर्राष्ट्रिय विमानस्थल अध्ययन उपसमितिले मूल समितिमा पेश गरेको प्रतिवेदनलाई ग्रहण गरी अख्तियार दुरुपयोग अनुसन्धान आयोगमा पठाउने निर्णय गरेको छ। बुधबार बसेको प्रतिनिधिसभा अन्तर्गतको सार्वजनिक लेखा समितिको बैठकले सो निर्णय गरेको सभापति ऋषिकेश पोखरेलले जानकारी दिए। उनले भने, ‘पोखरा अन्तर्राष्ट्रिय विमानस्थल अध्ययन समितिले मूल समितिमा पेश गरेको प्रतिवेदनलाई लेखा समितिले थप ग्रहण गर्ने निर्णयसहित अख्तियार दुरुपयोग अनुसन्धान आयोगलाई पठाउने निर्णय भएको छ।’

बिएल संवाददाता

बिएल संवाददाता - काठमाडौं

ट्रेन्डिङ