Media for all across the globe

एसईईको मुखमा फेरि काठमाडौं उत्रिए देशभरका शिक्षक

नेपाल शिक्षक महासंघको नेतृत्वमा देशैभरका शिक्षकहरू काठमाडौं केन्द्रीत भई शिक्षा ऐन जारी गर्नका लागि दबाब दिन बृहत आन्दोलनको कार्यक्रम सुरु गरेका छन्। उनीहरू माइतीघर मण्डलाबाट नारा जुलुस गर्दै नयाँ बानेश्वरसम्म पुगेका छन्। विगतका सबै सहमति सम्बोधन गर्न र विद्यालय शिक्षा ऐन जारी गर्न राज्यलाई बाध्य पार्न उनीहरूले आन्दोलन गरेका हुन्। महासंघले चरणबद्ध आन्दोलनको घोषणा गरेको छ। यसअघि ०८० मा सरकारसँग भएको सहमति अनुसार शिक्षा ऐन जारी हुनुपर्ने उनीहरूको माग छ।

बिएल संवाददाता - काठमाडौं

पूर्वराजालाई गृहमन्त्रीको चुनौती- शासन गर्न मन भए पार्टी खोलेर राजनीति गर्नु

‘आन्दोलनबाट क्रान्तिबाट राजा फालिसकेपछि त्यसै देशमा राजा बसेको उदाहरण संसारमा कमै छन्। नागरिकका सबै अधिकार उपभोग गर्ने, राज्यले सुरक्षा प्रदान गर्ने र लोकतन्त्रका सबै अधिकार उपभोग गरेर बस्ने उदाहरण कम देखिन्छन्। तर हाम्रो लोकतन्त्र यति सुन्दर, यति उन्नत, यति संयमित र आदर्श लोकतन्त्र हामी कहाँ छ।’ लोकतन्त्रका विरुद्धमा अहिले भइरहेका गतिविधि गर्न लोकतन्त्रले नै छुट दिएको उनले बताए। समाज विकासको विज्ञानले समाज पछि फर्कँदैन भनेकाले पनि राजतन्त्रको कुनै सम्भावना नरहेको उनको दाबी छ। उनले पूर्वराजालाई शासन गर्न मन भए चुनावमा होमिएर खुला राजनीति गर्न चुनौती समेत दिए।

बिएल संवाददाता - डोटी

अपडेट- चीनको दिङ्गी केन्द्रबिन्दु भएर ५.९ म्याग्निच्युडको भूकम्प

शनिबार दिउँसो काठमाडौं उपत्यकासहित पूर्वी नेपालमा भूकम्पको धक्का महसुस भएको छ। शनिबार दिउँसो दुई बजेर ३५ मिनेट जाँदा भूकम्पको धक्का महसुस भएको हो। चीनको दिङ्गी केन्द्रबिन्दु भएर ५.९ म्याग्निच्युडको भूकम्प गएको राष्ट्रिय भूकम्प मापन केन्द्रले जनाएको छ। भूकम्पको क्षतिबारे विस्तृत विवरण आइसकेको छैन।

बिएल संवाददाता - काठमाडौं

काठमाडौंमा भूकम्पको धक्का

काठमाडौंमा भर्खरै भूकम्पको धक्का महसुस भएको छ। शनिबार दिउँसो दुई बजेर ३६ मिनेट जाँदा भूकम्पको धक्का महसुस भएको हो। भूकम्पको धक्का काठमाडौं र आसपासका जिल्लामासमेत महसुस भएको छ। विस्तृत विवरण आउन बाँकी छ।

बिएल संवाददाता - काठमाडौं

गणतन्त्रको विकल्प राजतन्त्र हुँदै होइनः शंकर पोखरेल

नेकपा एमालेका महासचिव शंकर पोखरेलले गणतन्त्रको विकल्प राजतन्त्र नभएको दाबी गरेका छन्। पोखरेलले सामाजिक सञ्जालमार्फत जनआन्दोलनबाट फ्यालिएको राजतन्त्रका नाममा आफ्नो मूल्यवान समयलाई खेर नफाल्न आग्रह गरेका हुन्। उनले भनेका छन्, ‘गुनासा र असन्तुष्टि आफ्नो ठाउँमा होलान्। तर, गणतन्त्रको विकल्प राजतन्त्र हुँदै होइन। अढाई सय वर्ष नेपाली जनताले तिनका कर्म भोगेकै हो। जनआन्दोलनबाट फ्यालिएको राजतन्त्रका नाममा आफ्नो मूल्यवान समयलाई खेर नफालौं।’

बिएल संवाददाता - काठमाडौं

‘घुमुवा प्रहरी हुँ’ भन्दै ठग्ने सदरे आलम प्रहरीकै फन्दामा

प्रहरीको नाममा रकम ठगी गरेको आरोपमा रौतहट प्रहरीले एक जनालाई पक्राउ गरेको छ। जिल्ला प्रहरी कार्यालय रौतहटबाट खटिएको घुमुवा हुँ भन्दै किसानसँग पैसा मागेको आरोपमा प्रहरीले पक्राउ गरेको हो। पक्राउ पर्नेमा गरुडा नगरपालिका-८ बिर्ता गाउँका ४४ वर्षीय सदरे आलम रहेको जिल्ला प्रहरी कार्यालय रौतहटका प्रहरी प्रवक्ता एवं डीएसपी दीपककुमार रायले बताए। उनका अनुसार गौर-चन्द्रनिगाहपुर सडकखण्ड अन्तर्गत बिर्ताचोकमा आलमले शुक्रवार दिउँसो घुमुवा प्रहरी बताएर किसानले ल्याउँदै गरेको मलखाद रोकेर पैसा मागिरहेको सूचनाको आधारमा प्रहरी चौकी बिर्ताबाट खटिएको प्रहरी गस्ती टोलीले पक्राउ गरेको हो।

बिएल संवाददाता - काठमाडौं

पूर्वराजाको पक्षमा कति मान्छे ओर्लिएलान्? गृहमन्त्रालयको अनुमान- १० हजार

पूर्वराजाको स्वागतका लागि राजतन्त्र पुनर्स्थापना पक्षधरहरूले हजारौैंको संख्यामा मानिसहरू उतार्ने तयारी गरेको छ। हजारौं समर्थकहरूको भिडले पूर्वराजालाई एयरपोर्टबाट निर्मल निवाससम्म पुर्‍याउँने राजावादीहरूको तयारी छ। यसैबीच पूर्वराजाको पक्षमा हुने प्रदर्शनलाई लक्षित गर्दै गृहमन्त्रालयले काठमाडौंको सुरक्षा व्यवस्था कडा बनाउँने तयारी गरेको छ। मन्त्रालय स्रोतका अनुसार राजाको पक्षमा भोलि आइतबार १० हजार हाराहारी मानिसहरू भेला हुने अनुमान गरिएको र सोही अनुसार सुरक्षाको प्रवन्ध गर्न लागिएको छ।

बिएल संवाददाता - काठमाडौं

राज्यका हरेक क्षेत्रमा महिलाहरूको पहुँच हुनुपर्ने महसुस गरेको छुः राष्ट्रपति

उनले राज्यका हरेक क्षेत्रमा महिलाहरूको पहुँच समानरूपमा सुनिश्चित हुनुपर्ने भन्दै संविधानले अवलम्बन गरेको समानुपातिक समावेशी सिद्धान्त महिलाको अर्थपूर्ण प्रतिनिधित्व र नेतृत्व स्थापित गर्न कोशेढुङ्गा सावित भएको बताए। जारी सन्देशमा भनिएको छ, ‘संविधानले अवलम्बन गरेको समानुपातिक समावेशी सिद्धान्त राजनीतिक, सामाजिक, आर्थिक, सांस्कृतिक तथा शैक्षिक क्षेत्रमा महिलाको अर्थपूर्ण प्रतिनिधित्व र नेतृत्व स्थापित गर्न कोशेढुङ्गा सावित भएको छ। लैङ्गिक समानता र महिला सशक्तीकरणको उद्देश्य पूरा गर्न शिक्षा, स्वास्थ्य, रोजगारी,नीति निर्माण एवम् निर्णय प्रक्रिया, राजनीतिजस्ता राज्यका हरेक क्षेत्रमा महिलाहरूको पहुँच समानरूपमा सुनिश्चित हुनुपर्ने महसुस मैले गरेको छु।’

बिएल संवाददाता - काठमाडौं

पूर्वराजालाई प्रचण्डको सुझाव- राजनीति गर्न खोजेको भए पार्टी खोलेर आउनु

जनताको उदारतालाई कमजोरी सम्झेर पूर्वराजा ज्ञानेन्द्र शाहले राजनीति गर्न खोजेको भए पाटी खोलेर चुनाव लडन आए हुने उनको तर्क छ। नेकपा माओवादी केन्द्रले सुरु गरेको जनतासँग माओवादी, तराई मधेस जागरण अभियान अन्तर्गत रौतहटमा आइपुगेका अध्यक्ष प्रचण्डले पाटी खोल्न र चुनाव लडने अधिकार संविधानले दिएकोले चुनाव जितेर आउन सकिने बताए। यद्यपि जबरर्जस्ती गर्न खोजियो भने जनतालाइ सैह्य नहुने उनले धारण राखे। यसअघि पनि ज्ञानेन्द्रले मुर्खता गरेको उल्लेख गर्दै उनले अब फेरि अर्को मुर्खता गरेर गल्ती नगर्न उनले चेतावनी दिए।

बिएल संवाददाता - रौतहट

नौंमती बाजा घन्काउने बालकुमारीहरू

‘सुरुवाती चरणमा धेरै समस्या भयो, जातिय हिसाबले हेरियो। समाज मात्र नभइ स्थानीय स्थानीय सरकारको हेर्ने दृष्टिकोण संकुचित थियो तल्लो जातको काम भनेर हेप्ने काम भयो। समाजमा संस्कार नै अझै परिवर्तन भएको छैन। हामी आफैंबाट परिवर्तन गर्नुपर्छ भनेर लागेका हौं,’उनले भनिन्।

बिएल संवाददाता - काठमाडौं

पोखरामा ‘कोटीहोम’ विवाद चर्कियो, महानगरले ‘दादागिरी’ देखाएको आरोप

‘महानगरपालिकाको आदेशमा लाठी, बुट प्रहार भएको छ। हातपात भएको छ। षड्यन्त्रपूर्वक मान्छेहरु पठाएको पनि प्रमाणित भइसकेको छ। हामी एउटा क्षेत्रभित्र आनन्द भावले पूजापाठ, आरधना, भूमिपूजन गरिरहेका थियौं। त्यो समयमा यो किसिमको व्यवहार नगरपिता जस्तो व्यक्तित्वबाट हामीले अपेक्षा गरेका थिएनौं। हाम्रो विभिन्न पूजन सामग्रीहरु पनि जफत गरेर लिएर जानुभएको छ।’

बिएल संवाददाता - पाेखरा