BreakNLinks

मङ्गलबार, १२ अगस्ट २०२५

राजनीति

‘सरकारले कार्यशैली सच्याउनुपर्छ तर दुई दलबीचको सहमतिमा दायाँबायाँ हुन्नौं’

नेपाली कांग्रेसका कार्यवाहक सभापति पूर्णबहादुर खड्काले कांग्रेस-एमालेबीचमा भएका सहमतिमा दायाँबायाँ नहुने बताएका छन्। पार्टीनिकट यातायात व्यवसायीको महाधिवेशनलाई सम्बोधन गर्दै उनले सरकारका केही कमीकमजोरी भएपनि त्यसलाई सच्याउँनुपर्ने तर दुई दलबीचको सहमतिमा दायाँबायाँ नहुने बताए। उनले सभापति देउवाले पनि सरकारको कार्यशैली सुधार गर्नुपर्ने बताएको उल्लेख गर्दै नागरिकका भावना र असन्तुष्टिलाई सम्बोधन गर्नुपर्ने बताए।

बिएल संवाददाता

बिएल संवाददाता - काठमाडौं

प्रधानमन्त्री ओली र बाजिलियन फुटबलर कार्लाेसबीच भेटघाट

प्रधानमन्त्री केपी शर्मा ओली र ब्राजिलका चर्चित फुटबल खेलाडी रोबर्टाे कार्लाेसबीच भेटघाट भएको छ। बुधबार प्रधानमन्त्री तथा मन्त्रिपरिषद्को कार्यालय सिंहदरबारमा उनीहरूबीच भेट भएको हो। विश्वविजेता कार्लाेस नेपाल सुपर लिग (एनएसएल)को तेस्रो सिजनको खेल हेर्न काठमाडौँ आएका हुन्। प्रधानमन्त्री ओलीले खेलाडी कार्लाेसलाई स्वागत गर्दै उनको नेपाल आगमनले यहाँका खेलाडी र युवाहरूलाई उत्साह मिल्ने बताए। प्रधानमन्त्री ओलीले नेपाल र ब्राजिलबीच राम्रो कूटनीतिक सम्बन्ध रहेको उल्लेख गर्दै दुवै देशको खेल क्षेत्रले एकाअर्कामा सिकाइ आदानप्रदान गर्नुपर्नेमा जोड दिए।

बिएल संवाददाता

बिएल संवाददाता - काठमाडौं

‘प्रधानन्यायाधीशले पूर्वराजालाई किन भेटे?’ शीर्षकको समाचारविरुद्ध अवहेलना मुद्दा दर्ता

केहीदिनअघि एक अनलाइन पत्रिकाले प्रधानन्यायाधीश प्रकाशमानसिंह राउतले पूर्वराजा ज्ञानेन्द्र शाहसँग भेटघाट गरेको भनी प्रकाशित गरेको समाचारविरुद्ध सर्वोच्चमा अदालतको अवहेलना मुद्दा दर्ता भएको छ। सर्वोच्च अदालतका नायव सुब्बा कमला रेग्मी र कम्प्युटर असिस्टेन्ट रमेश बजगाईंले मंगलबार ‘नेपाली पेन’ अनलाइन पत्रिकालाई विपक्षी बनाउँदै अवहेलना मुद्दा दायर गरेका हुन्। उक्त मुद्दाको बुधबार न्यायाधीशद्वय अब्दुल अजिज मुसलमान र टेकप्रसाद ढुङ्गानाको इजलासमा सुनुवाई भइसकेको छ। फैसला आउन बाँकी छ।

बिएल संवाददाता

बिएल संवाददाता - काठमाडौं

नयाँ शैक्षिक सत्र सुरुः सामुदायिक विद्यालय सुनसान, निजीमा चहलपहल

नयाँ शैक्षिक सत्र सुरु भएसँगै विद्यार्थी भर्ना अभियानसँगै सामुदायिक विद्यालयमा देखिने विद्यार्थी र अभिभावकको बाक्लो भीड यो वर्ष कर्णालीका सामुदायिक विद्यालयमा देखिएको छैन। कर्णालीमा नाम चलेका सामुदायिक विद्यालयहरू यतिबेला सुनसान छन्। शिक्षक आन्दोलनका कारण विद्यार्थी भर्नालगायतका शैक्षिक गतिविधि ठप्प हुँदा विद्यालयमा कुनै चहलपहल देखिँदैन। जसको कारण विद्यार्थीको पठनपाठनमा असर पुग्ने देखिएको छ। विद्यालय शिक्षा ऐन जारी गर्न माग गर्दै २२ दिनदेखि शिक्षकहरू काठामाडौं केन्द्रीत आन्दोलनमा गएपछि विद्यालयका शैक्षिक गतिविधि ठप्प भएका हुन्। नेपाल शिक्षक महासंघको नेतृत्वमा भइरहेको शिक्षक-कर्मचारीको आन्दोलनप्रति ऐक्यबद्धता जनाउँदै विद्यालयले भर्ना अभियान रोकेको छ।

बिएल संवाददाता

बिएल संवाददाता - सुर्खेत

नेपालले भन्यो- आतंकवादविरुद्ध भारतलाई दृढ साथ

मंगलबार त्यहाँ घुम्न गएका पर्यटकमाथि आतंकवादीहरूले आक्रमण गरेका थिए। त्यो आक्रमणमा लगभग २६ जना मानिस मारिएको बताइएको छ। गम्भिर घाइते भएका १६ जनाको उपचार भइरहेको स्थानीय प्रशासनले जनाएको छ। घटनामा २ जना नेपालीसहित अन्य विदेशीहरू मारिएको भारतीय सञ्चारमाध्यमले उल्लेख गरेका छन्। तर नेपाली अधिकारीहरूले त्यसको स्वतन्त्र पुष्टी गरिसकेका छैनन्।

बिएल संवाददाता

बिएल संवाददाता - काठमाडाैं

नारायणगढ–बुटवल सडक खुल्यो

सुक्खा पहिरोका कारण अवरुद्ध भएको नारायणगढ–बुटवल सडक दुईतर्फी सञ्चालनमा आएको छ। नवलपरासी (बर्दघाट सुस्तापूर्व)को विनयी त्रिवेणी गाउँपालिका–२ दाउन्ने क्षेत्रमा मङ्गलबार दिउँसो सुक्खा पहिरो खसेर अवरुद्ध भएको सडक आज बिहानदेखि दुईतर्फी सञ्चालनमा आएको हो।

बिएल संवाददाता

बिएल संवाददाता - नवलपरासी

मुक्तिनाथ मन्दिरमा करिब ४८ लाख भेटी सङ्कलन

हिन्दू तथा बौद्ध धर्मावलम्बीको धार्मिक साझा तीर्थस्थल मुक्तिनाथ मन्दिरमा  रु ४७ लाख ९० हजार ९५२ चन्दाभेटी सङ्कलन भएको छ। चालु आर्थिक वर्ष २०८१/०८२ मा चारपटक मुक्तिनाथमा पाँचवटा भेटी सङ्कलन बाकस राखिएका मुक्तिनाथ विकास समितिले जनाएको छ।

बिएल संवाददाता

बिएल संवाददाता - मुस्ताङ

जम्मु-कश्मिर आतंकवादी आक्रमण- मारिने २६ मध्ये दुईजना नेपाली पनि

भारतीय सञ्चारमाध्यमहरूका अनुसार यो आक्रमणको जिम्मेवारी ‘द रेसिस्टेन्स फ्रन्ट‘ अर्थात् टिआरएफले लिएको छ। यो भनेको लस्कर-ए-तायबाका एकजना संस्थापक हाफिज साइदले नेतृत्व गरेको आतंकवादी संगठन हो।

बिएल संवाददाता

बिएल संवाददाता - काठमाडाैं

युएईका उपप्रधानमन्त्री राजधानीमा, द्विपक्षीय वार्ता आजै

संयुक्त अरब इमिरेट्स (युएई)का उपप्रधानमन्त्री तथा विदेशमन्त्री महामहिम शेख अब्दुल्लाह बिन जायेद अल नाह्यान नेपालको दुईदिने औपचारिक भ्रमणमा मङ्गलबार साँझदेखि काठमाडौँमा रहेका छन्।

बिएल संवाददाता

बिएल संवाददाता - काठमाडौँ

आज यी प्रदेशमा वर्षा

हाल देशमा मुख्यतया स्थानीय तथा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ। जसको प्रभावले कोशी प्रदेश लगायत देशको पहाडी भूभागमा आंशिकदेखि साधरणतया बदली रही बाँकी भूभागमा मुख्यतया मौसम सफा रहेको छ।

बिएल संवाददाता

बिएल संवाददाता - काठमाडौँ

कक्षा १२ काे परीक्षा सर्‍याे अब वैशाख २१ देखि

मंगलबार बिहान बसेकाे बाेर्डकाे बैठकले निजामति कर्मचारीहरूलाई परिचालन गरेर भए पनि परीक्षा ताेकिएकै मितिबाट सुरु गर्ने निर्णय गरेकाे थियाे र शिक्षकहरूलाई साथ दिन आह्वान गरेकाे थियाे।

बिएल संवाददाता

बिएल संवाददाता - काठमाडाैं

कक्षा १२ को परीक्षा सार्न प्रधानमन्त्रीको निर्देशन, केहीबेरमा नयाँ तालिका सार्वजनिक गरिँदै

प्रधानमन्त्री केपी शर्मा ओलीले कक्षा १२ को परीक्षा सार्न राष्ट्रिय परिक्षा बोर्डलाई निर्देशन दिएका छन्। ओलीलाई भेट्न बालुवाटार पुगेका बोर्डका अध्यक्ष महाश्रम शर्मा र शिक्षा सचिव दीपक काफ्लेलाई प्रधानमन्त्री ओलीले परीक्षा सार्न निर्देशन दिएका हुन्। यसअघि वैशाख ११ गते परीक्षा गर्ने बोर्डको कार्यतालिका थियो। आन्दोलनरत शिक्षकहरूले असहयोग गर्ने भएपनि बोर्डले निजामती कर्मचारीहरू परिचालन गरेर परीक्षा पूर्वनिर्धारित तालिकामै गराउने तयारी गरेको थियो।

बिएल संवाददाता

बिएल संवाददाता - काठमाडौं

गणतन्त्रभित्र जनताको खोज!

नेपालमा २०६२/६३को आन्दोलनले गणतन्त्र आयो जसको सिधा परिभाषा थियो ‘गणतन्त्र- भन्नाले त्यस्तो शासन व्यवस्था हो जहाँ प्रमुख सत्ता जनतामा निहित हुन्छ। यहाँ राजा वा निरंकुश शासक हुँदैन, जनताबाट निर्वाचित जनप्रतिनिधिहरू शासन चलाउँछन्। जनतामाथि जनताको प्रत्यक्ष भुमिका रहने छ, सबै समान हुन भन्ने भावनाले चलाइने छ र यस्तो तन्त्र नै गणतन्त्र हुनेछ।’  तर नेपाल देशका जनताको अनुहार नै हराएको छ यो गणतन्त्रमा त। यहाँ हरेक नेपालीले एक अर्काको अनुहारमा गणतन्त्र खोजी रहेका छन्। गणतन्त्र आएपछि बाँडिएका सपनाहरु तथा उदाएका नेताहरुको नयाँ वाचाहरु खोज गर्न जनताले अहिले खोजकार्य चलाईरहेका छन् र चलिरहेको छ। गणतन्त्र ल्याउन ०६२/६३ को आन्दोलन गरेको नभई आफूले नपाएको सत्ताको बागडोर आफूमा निहित गर्न नेपाली जनताको अगाडी तेर्स्याइएको ‘ललिपप’ थियो कि भन्ने भान अहिले जनताले गर्दैछन्।

बिएल संवाददाता

बिएल संवाददाता - काठमाडौं

मिडिया काउन्सिलका नवनियुक्त अध्यक्षमाथि भ्रष्टाचार मुद्दा दायर

अख्तियार दुरुपयोग अनुसन्धान आयोगले उपाध्यायसहित तीन जनाविरुद्ध विशेष अदालतमा मुद्दा दायर गरेको छ। मधेश प्रदेश सरकारको गृह, सञ्चार तथा कानून मन्त्रालयअन्तर्गत नियुक्त उपाध्यायले मुख्यमन्त्री सतिशकुमार सिंहको उपस्थितिमा मन्त्री राजकुमार लेखीबाट शपथ लिएपछि हिजो सोमबार पदभार ग्रहण गरेका थिए। तर, त्यसको भोलिपल्टै उनीमाथि आर्थिक अनियमितताको आरोपसहित मुद्दा दर्ता गरिएको छ। अख्तियारका अनुसार उपाध्यायले केएस मल्टिपरपोज कम्पनीका अध्यक्षका रूपमा बाराको पचरौता नगरपालिकाबाट २०७७/०७८ मा सञ्चालित ठेक्का कार्यको बोलपत्र सूचना राष्ट्रियस्तरको पत्रिकामा प्रकाशन नगरी मात्र एक प्रति प्रभाव दैनिकमा छापेर ३ लाख ५२ हजार ५६० रुपैयाँ भुक्तानी लिएको आरोप छ।

बिएल संवाददाता

बिएल संवाददाता - काठमाडौं

‘एकताबद्ध एनआरएनए’का लागि नेतृत्व लिन तयार छु: आरके शर्मा

गैरआवासीय नेपाली संघ (एनआरएनए)का अभियान्ता राजेन्द्रकुमार शर्मा (आरके)ले संस्थालाई एकताबद्ध बनाउने कार्यमा आफू नेतृत्व लिन तयार रहेको बताएका छन्। गैरआवासीय नेपाली संघको मे ३ देखि ५ सम्म काठमाडौंमा तय भएको एकता महाधिवेशन नजिकिँदै गर्दा शर्माले एकताबद्ध एनआरएनएमा जोड दिए। पूर्वअधयक्ष शेष घलेले एकता महाधिवेशन गराउन लागिपर्दा सचिवालयबाट कामकारबाही गर्दै आएको बद्री केसी समूह अक्टोबरमा महाधिवेशन गर्ने अडानमा रहेकै बेला शर्माले सबैले आफ्नो अडान छाडेर सहमतिका लागि इमानदार ढंगले प्रस्तुत हुनुपर्ने धारण राखेका हुन्। एकताबद्ध एनआरएनएकै लागि आफू मेमा महाधिवेशन हुनुपर्छ भन्नेमा सहमत रहेको उल्लेख गर्दै शर्माले मन माझामाझ गरेर अब सबै मिल्ने बटोमा अघि बढ्न ढिला गर्न नहुने बताए।

बिएल संवाददाता

बिएल संवाददाता - काठमाडौं

शिक्षामन्त्रीको राजीनामाप्रति शेखर कोइरालाको गम्भीर चासो

प्रमुख सत्ता साझेदार नेपाली कांग्रेसका नेता डा. शेखर कोइरालाले शिक्षामन्त्री विद्या भट्टराईको राजीनामा र शिक्षकहरूको आन्दोलनबारे चासो व्यक्त गरेका छन्।  स्वास्थ्यका कारण केही दिनदेखि घरमै आराम गरिरहेका कोइरालाले मंगलबार बिहान शिक्षक महासंघका प्रतिनिधिहरूसँग पनि कुराकानी गरेका थिए। शिक्षक महासंघका अध्यक्ष लक्ष्मीकिशोर सुवेदीले डा. कोइरालासँग कुरा गर्दै शिक्षामन्त्रीको राजीनामा आफूहरूको माग नभएको र शिक्षा ऐन जारी नहुँदासम्म आफूहरू नफर्किने बताएका थिए। त्यसक्रममा घिमिरेले शिक्षामन्त्री शिक्षकहरूका मागप्रति सकारात्मक भएको भन्दै प्रधानमन्त्री ओलीकै बद्नियतका कारण शिक्षामन्त्रीको राजीनामा आएको हुनसक्ने कोइरालासँग भनेका थिए। त्यस्तै घिमिरेले तत्काल ऐन जारी गर्ने वातावरण मिलाउनका लागि कोइरालाको साथ पनि मागेका थिए।

बिएल संवाददाता

बिएल संवाददाता - काठमाडौं

कुशासनका चाङमाथि ओलीको सुशासन आयोग (भिडियोसहित)

कसैलाई ट्र्यापमा पार्न अनि आफूलाई शक्तिशालि बनाइराख्नका लागि प्रधानमन्त्री केपी शर्मा ओलीले एक अर्को निकायमा आफैंलाई राखेका छन्।  सोमबार मन्त्रिपरिषदको बैठकबाट उनले ‘सुशासन आयोग’को गठन गरे। त्यसको अध्यक्ष उनी आफै रहनेछन्। यसको सञ्चालन कार्यविधिहरू अहिले नै सार्वजनिक गरिएको छैन।  तर भ्रष्टाचार ‘गर्दिनँ र गर्न पनि दिन्नँ’ भन्ने प्रधानमन्त्री केपी शर्मा ओलीले अख्तियार भन्दामाथिको विशेषाधिकार प्राप्त आयोग पनि आफ्नै मातहतमा राखेका छन्।

बिएल संवाददाता

बिएल संवाददाता - काठमाडौं

शिक्षामन्त्रीले स्वास्थ्यकाे कारण राजीनामा दिएकाे ओलीकाे प्रष्टीकरण

आफैं बनाएको मन्त्रीलाई सहयोग गरेन भन्ने हल्ला मात्र रहेको बताउँदै उनले भने, उहाँ मैले बनाएको मन्त्री हो। मैले काम लगाइरहेको छु। सहयोग गरिरहेको छु। सिकाइराखेको छु। ठूलो मन्त्रालय छ, अहिले स्वास्थ्य ठिक भएन भनेर राजीनामा दिनुभएको हो। यसमा अन्य प्रचारबाजी गर्नुको कुनै अर्थ छैन।’

बिएल संवाददाता

बिएल संवाददाता - काठमाडाैं

ओलीले शिक्षकलाई ‘अपमान’ गरे, अब एक दिन पनि नेतृत्वमा बस्न मिल्दैनः प्रचण्ड

नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले अहिलेको सरकारले अब एक दिन पनि नेतृत्वमा बस्ने औचित्य गुमाएको बताएका छन्। नेपाल कम्युनिष्ट पार्टीको ७७औं स्थापना दिवस तथा १५६औं लेनिन जयन्तीको  अवसरमा बोल्दै उनले केपी ओली नेतृत्वको सरकारको जन्म नै भष्टाचारीको रक्षा गर्न भएको बताए। उनले भने, ‘अहिलेको सरकार खासगरी केपी ओली नेतृत्वको सरकारको जन्म नै अप्राकृतिक छ। अलोकतान्त्रिक छ, अपारदर्शी छ, असंवैधानिक छ। यसले गर्ने भनेको भष्ट्राचारीको रक्षा हो। यो सकार अब एक दिनमा पनि नेतृत्वमा बस्ने औचित्य गुमाइसकेको छ, हजारौं र लाखौं शिक्षक सडकमा छन। ती शिक्षकको समस्या समाधान गर्न गम्भीर हुनुको सट्टा सरकार र त्यसको नेतृत्व गर्ने प्रधानमन्त्री शिक्षकलाई अपमानित गर्ने, गाली गर्ने, तिनलाई हप्काउने बाहेक उहाँले केही पनि गर्नु भएन। यो भन्दा लाजमर्दो कुरा के हुन्छ।’

बिएल संवाददाता

बिएल संवाददाता - काठमाडौं

ट्रेन्डिङ