नेपाली कांग्रेसका केन्द्रीय सदस्य रामहरि खतिवडाले पार्टीभित्र एकले अर्कालाई खुइल्याउने र कमजोर पार्ने प्रयास भइरहेको भन्दै आपत्ति जनाएका छन्। जारी केन्द्रीय समितिको शुक्रबारको बैठकमा खतिवडाले पार्टी सभापति, उपभापति, महामन्त्रीलगायत केन्द्रीय सदस्यलगायतलाई पार्टीकै सदस्यहरूबाट खुइल्याउने र कमजोर पार्ने काम भइरहेको बताए।
बिएल संवाददाता - काठमाडौं
प्रधानमन्त्री केपी ओली स्पेनको करिब एक साता लामो औपचारिक भ्रमणबाट स्वदेश फर्किएपछि भ्रमणका उपलब्धीहरू सार्वजनिक गरिएको छ। विकासका लागि वित्तसम्बन्धी चौथो अन्तर्राष्ट्रिय सम्मेलनमा भाग लिन नेपाली प्रतिनिधिमण्डलको नेतृत्व गर्दै प्रधानमन्त्री गत असार १४ गते स्पेन भ्रमणमा गएका थिए। उनी शुक्रबार अपराह्न स्वदेश फिर्ता भएका हुन्। भ्रमणपछि त्रिभुवन विमानस्थलमा आयोजित पत्रकार सम्मेलनमा परराष्ट्र सचिव अमृत राईले भ्रमण सफल रहेको जानकारी दिंदै भ्रमणका उपलब्धीहरू सार्वजनिक गरेका छन्।
बिएल संवाददाता - काठमाडौं
जनता समाजवादी पार्टीका मधेस प्रदेश अध्यक्ष अशोक यादवविरुद्ध पक्राउ पुर्जी जारी भएको छ। सर्लाहीका एसपी योगेन्द्रकुमार खड्कालाई धम्क्याएको आरोपमा आपराधिक उपद्रवको कसुरमा जिल्ला अदालत सर्लाहीले शुक्रबार यादवविरुद्ध पक्राउ पुर्जी जारी गरेको छ। अध्यक्ष यादवले टेलिफोनमा अपशब्द प्रयोग गर्दै एसपीलाई तराईमा लुट्न आएको लुटेराको संज्ञा दिँदै धम्क्याएको अडियो सामाजिक सञ्जालमार्फत सार्वजनिक भएको छ।
बिएल संवाददाता - काठमाडौं
राष्ट्रपति रामचन्द्र पौडेलले पूर्वप्रधानमन्त्री गिरिजाप्रसाद कोइराला क्रान्ति र शान्तिको नेता भएको बताएका छन्। पूर्वप्रधानमन्त्री गिरिजाप्रसाद कोइरालाको १०२औं जन्म जयन्तीको अवसरमा शुक्रबार आयोजित कार्यक्रमलाई सम्बोधन गर्दै राष्ट्रपति पौडेलले भने, ‘मैले गिरिजाप्रसाद कोइरालाका बारेमा एकै शब्दमा भन्नुपर्दा उहाँ क्रान्तिको पनि नेता हो, उहाँ शान्तिको पनि नेता हो।’
बिएल संवाददाता - काठमाडौं
प्रधानमन्त्री केपी ओली स्पेनको करिब एक साता लामो औपचारिक भ्रमण सकेर स्वदेश फर्किएका छन्। विकासका लागि वित्तसम्बन्धी चौथो अन्तर्राष्ट्रिय सम्मेलनमा भाग लिन नेपाली प्रतिनिधिमण्डलको नेतृत्व गर्दै गत असार १४ गते स्पेन भ्रमणमा निस्केका ओली शुक्रबार अपराह्न स्वदेश फिर्ता भएका हुन्। स्पेनमा रहँदा प्रधानमन्त्री ओलीले र संयुक्त राष्ट्रसङ्घका महासचिव एन्टेनियो गुटेरसबीच भेटवार्ता गरेका थिए।
बिएल संवाददाता - काठमाडौं
रास्वपा सभापति रवि लामिछानेको पक्षमा हस्ताक्षर गरेका बाँकेको नेपालगंगमा कार्यरत ट्राफिक सईको जिम्मेवारी खोसिएको छ। जिल्ला ट्राफिक प्रहरी कार्यालय, बाँकेमा दरबन्दी भएका सई कमल खड्काको जिम्मेवारी खोसेर प्रहरी प्रधान कार्यालय काठमाडौं तानिएको हो। सभापति लामिछानेलाई राजनीतिक प्रतिशोध साँधिएको भन्दै रास्वपाले सञ्चालन गरेको ‘प्रतिशोधविरुद्धको हस्ताक्षर संकलन’ अभियानलाई सघाउँदै सई खड्काले ड्युटी खटिएकै अवस्थामा बर्दी लगाएर हस्ताक्षर गरेका थिए।
बिएल संवाददाता - काठमाडौं
शुक्रबार नेकपा (एकीकृत समाजवादी) विद्यार्थी जिल्ला कमिटीको पाचौं जिल्ला अधिवेशनलाई सम्बोधन गर्दै उनले धर्तीको एकजना मान्छेले माधव नेपालले भ्रष्टाचार गरेको छ भनेर तथ्य प्रमाण प्रस्तुत गर्ने हो भने जुनसुकै बलिदान गर्न पनि तयार रहेको बताए। उनले भने, ‘पार्टीका बारेमा केही मानिसले नकारात्मक टिप्पणीहरू गर्ने गरेका छन्। कसैले यो पार्टी चल्दैन भन्छन्, कसैले टिक्दैन भन्छन्। मेरो एउटा मान्यता छ, नबिराउनु, नडराउनु। बिराएको छैन भने डराउनु पर्दैन। यो धर्तीको एक जना मान्छेले माधव नेपालले भ्रष्टाचार गरेको छ भनेर तथ्य प्रमाण प्रस्तुत गरोस् जुनसुकै बलिदान गर्न पनि तयार छु।’
बिएल संवाददाता - काठमाडौं
बागमती प्रदेश सभा बैठकमा एमाले संसदीय दलका नेता जगन्नाथ थपलिया निदाएको तस्बिर भाइरल भएको छ। प्रदेश सरकारको नीति तथा कार्यक्रम र बजेटमाथिको छलफलका क्रममा नेता थपलिया निदाएको तस्बिर कैद भएपछि यतिबेला सामाजिक सञ्जालमा चर्चा पाइरहेको छ। बैठकको प्रत्यक्ष प्रसारणका क्रममा उनी आँखा चिम्लेर अगाडि झुकिरहेको अवस्थामा देखिएका छन्।
बिएल संवाददाता - हेटौंडा
सुदूरपश्चिम प्रदेशका उद्योग, पर्यटन, वन तथा वातावरण मन्त्री रामेश्वर चौधरीलाई मुख्यमन्त्री कमलबहादुर शाहले बर्खास्त गरेपछि गठबन्धनप्रति नाउपा चिढिएको छ। आफ्नो पार्टीसँग छलफल नै नगरी मन्त्रीलाई बर्खास्त गर्नु असंवैधानिक, अपमानजनक, र दुर्भाग्यपूर्ण रहेको भन्दै सरकारबाट बाहिरिने निर्णयमा नाउपाका नेताहरू पुगेका छन्। पावर टिलर वितरणमा अनियमितता गरेको आरोप लागेपछि मन्त्री चौधरीलाई मुख्यमन्त्री शाहले बिहीबार बर्खास्ती गरेका थिए।
बिएल संवाददाता - काठमाडौं
सन् २०२१ तालिबान सरकार गठन भएपछि सबैजसो राष्ट्रहरूले आफ्ना दूतावास त्यहाँबाट हटाएका थिए। तर रुस भने फर्किएको थिएन। यसअघि सन् २०२२ मा तालिबानसँग अन्तर्राष्ट्रिय आर्थिक सम्झौता गर्ने पहिलो राष्ट्र पनि रुस नै थियो। त्यसपछि गत अप्रिलमै रुसले तालिबानलाई आतंकवादी सूचीबाट पनि हटाएको थियो। र त्यो बेला रुसका राष्ट्रपति भ्लादिमिर पुटिनले आतंकवादविरुद्धको लडाईंमा तालिबान एक सहयोगी बन्ने बताएका थिए।
बिएल संवाददाता - काठमाडाैं
ट्रम्पले यसलाई अमेरिकी ‘स्वतन्त्रता दिवसको सबैभन्दा महत्वपूर्ण र ऐतिहासिक उपहार’ भनेका छन्। त्यो विधेयक पारित गर्न जुलाई ४ का लागि ट्रम्पले अन्तिम समय दिएका थिए। जुलाई ४ अमेरिकी स्वतन्त्रता दिवस पनि हो। निकै रस्साकस्सी र विवादका बीच यो विधेकका पक्षमा २१८ र विपक्षमा २१४ मत परेको थियो। आफ्नो कार्यकालका लागि ट्रम्पले यसलाई निकै महत्वपूर्ण जिते ठानेका छन्। यो विधेयक लागु भएसँगै आगामी १० वर्षमा अमेरिकाको वित्तीय घाटामा थप ३३ अर्ब डलरभन्दा धेरै भार पर्ने र दशौं लाख मानिसहरू स्वास्थ्य बिमाबाट वञ्चित हुनसक्ने अनुमानअनुसार यो विधेयकको आलोचना भएको थियो। तर ह्वाइट हाउसले भने त्यसलाई अस्वीकार गरेको छ।
बिएल संवाददाता - काठमाडाैं
अपराह्न ३ः४५ बजे प्रधानमन्त्री ओली त्रिभुवन अन्तरर्राष्ट्रिय विमानस्थलमा पुग्ने जनाइएको छ । नेपाली प्रतिनिधिमण्डलको नेतृत्व गर्दै प्रधानमन्त्री ओली यही असार १४ गते शनिबार स्पेन प्रस्थान गरेका थिए। स्पेनमा रहँदा प्रधानमन्त्री ओली र संयुक्त राष्ट्रसङ्घका महासचिव एन्टेनियो गुटेरसबीच भेटवार्ता भएको थियो । यस्तै, स्पेन सरकारका अध्यक्ष (प्रधानमन्त्री) पेड्रो साञ्चेजबीच पनि दुईपक्षीय भेटवार्ता भएको थियो ।
बिएल संवाददाता - काठमाडाैं
नेपाली कांग्रेसको केन्द्रीय समिति बैठकमा केन्द्रीय सदस्य अजयबाबु शिवाकोटीले भ्रष्टाचारको संरक्षण गर्ने प्रवृत्तिमाथि आक्रामक टिप्पणी गरेका छन्। बैठकमा धारणा राख्दै शिवाकोटीले कांग्रेसभित्रैबाट पार्टीको आत्माकुण्ठित हुने अवस्था सिर्जना भएको आरोप लगाए। उनले पार्टीप्रति जनस्तरमा चुलिँदै गएको असन्तोषको चेतावनी सुनाए। शिवाकोटीले भ्रष्टाचारको आरोप लागेका नेताहरूको रक्षामा पार्टी नेतृत्व मौन बसेको आरोप लगाए।
बिएल संवाददाता - काठमाडौं
सुदूरपश्चिम प्रदेशका उद्योग, पर्यटन, वन तथा वातावरण मन्त्री रामेश्वर चौधरी बर्खास्त भएका छन्। आर्थिक विवादमा मुछिएका मन्त्री चौधरीलाई मुख्यमन्त्री कमलबहादुर शाहले केही दिनअघि नै राजीनामा दिन निर्देशन दिएका थिए। तर, चौधरीले आफू राजीनामा नदिने भन्दै बर्खास्त गरेर देखाउन चुनौती दिएका थिए।
बिएल संवाददाता - धनगढी
राष्ट्रिय स्वतन्त्र पार्टी(रास्वपा)को सचिवालय बैठकले भिजिट भिसा प्रकरणमा उच्चस्तरीय छानविन आयोग बनाउनुपर्ने र छानविनका लागि सहजीकरणका लागि गृहमन्त्रीले राजीनामा दिनुपर्ने विषयमा अडान कायम राख्ने निर्णय गरेको छ। बिहीबार पार्टी कार्यालयमा बसेको बैठकले गृहमन्त्रीले राजीनामा दिनुपर्ने विषयमा अडान र संसदमा यस विषयमा भइरहेको प्रतिरोध कायम राख्ने निर्णय गरेको हो।
बिएल संवाददाता - काठमाडौं
कुलिङ अफ पिरियडसम्बन्धी व्यवस्था फेरबदल गरेको विषयमा छानिबन समिति गठन हुने भएको छ। ‘संघीय निजामती सेवा विधेयक २०८०’ को कुलिङ अफ पिरियडसम्बन्धी व्यवस्था फेरिएको विषयमा छानबिन समिति गठन गर्नेबारे सभामुख देवराज घिमिरेले प्रमुख दलका सचेतकहरूसँग छलफल गरेका छन्।
बिएल संवाददाता - काठमाडौं
जिल्ला अदालत काठमाडौंले पत्रकार दिलभूषण पाठकलाई २५ हजार धरौटीमा छाड्न अदालतले आदेश दिएको छ। बिहीबार न्यायाधीश खेमराज भट्टको इजलासमा भएको बयान र थुनछेक बहसपछि पाठकलाई धरौटीमा छाड्न आदेश भएको हो। विद्युतीय (इलेक्ट्रोनिक) कारोबार ऐन अन्तर्गतको कसुरमा उनी आफैं अदालतमा हाजिर भएका थिए।
बिएल संवाददाता - काठमाडौं
राप्रपाले रुपन्देहीको क्षेत्र–३ मा हुने उपनिर्वाचनका लागि आवश्यक तयारी थालेको छ। बिहीबार पार्टी कार्यालय धुम्बाराहीमा बसेको केन्द्रीय कार्यसम्पादन समितिको बैठकले निर्वाचनको आवश्यक प्रक्रिया र तयारी थालेकाे प्रवक्ता मोहन श्रेष्ठले जानकारी दिए।
बिएल संवाददाता - काठमाडाैं
यो दिनलाई अमेरिकी राष्ट्रपति डोनाल्ड ट्रम्पले इतिहासकै सबैभन्दा भव्य बनाउने घोषणा गरिसकेका छन्। सुरक्षा अधिकारीहरूले स्वतन्त्रता दिवस मनाउनका लागि आयोजना भएका समारोहमा एकल वा सामूहिक आतंकवादी आक्रमण हुनसक्ने सूचना पाएको बताएका छन्। त्यस्तो सम्भावित जोखिमलाई ध्यान दिँदै सबै सुरक्षा निकाय उच्च तयारीमा रहेको र कुनै पनि आक्रमणलाई निस्तेज पारिदिने पनि उनीहरूले जनाएका छन्।
बिएल संवाददाता - काठमाडाैं
‘केही शक्तिशाली पदाधिकारीहरुले मिडियामा स्पष्टीकरण सोध्नुभएको रहेछ, मलाई त सोधिएको छैन,’ झाँक्रीले भनिन्, ‘टेलिभिजनमा स्पष्टीकरण सोधिन्छ, पार्टीबाट निकालिन्छ भन्ने सुनेको थिएँ, मैले बोलेको कन्टेनको हिसावले। १५ गते यसबारे कुनै क्रिया, प्रतिक्रिया नदिनु भनेर निर्देशन पनि जारी गरेको थियो।’
बिएल संवाददाता - काठमाडाैं
१ .
२ .
३ .
४ .
५ .
