नेपाल क्रिकेट संघले अन्तर्राष्ट्रिय क्रिकेट काउन्सिलको आयोजनामा बुधबारदेखि ओमानमा हुने आईसीसी टी–२० विश्वकप २०२६ को एसिया तथा इस्ट एसिया प्यासिफिक छनोट खेलका लागि १५ सदस्यीय टोली घोषणा गरेको छ।

संयुक्त अरब इमिरेट्समा वेस्ट इन्डिजविरुद्धको तीन शृङ्खला खेल्न गएको १६ सदस्यीय टोलीका सदस्यमध्ये साहब आलम भने टोलीबाट बाहिरिएकाे क्यानका प्रवक्ता छुम्बी लामाले जानकारी दिएका छन्। उनका अनुसार आलम ट्राभलिङ रिजर्भ अर्थात् वैकल्पिक खेलाडीका रूपमा रहनेछन्।

त्यस्तै, टोलीमा सन्दीप लामिछानेलाई भने समावेश गरिएको छ।

टी–२० विश्वकप छनोट आगामी अक्टोबर ८ देखि १७ सम्म ओमानमा हुँदैछ। नेपालले समूह चरणमा जापान र कुवेतसँग खेल्नेछ।

नेपाली टोली: रोहित कुमार पौडेल (कप्तान), दीपेन्द्र सिंह ऐरी (उपकप्तान), कुशल भुर्तेल, लोकेस बम, कुशल मल्ल, आसिफ सेख, आदील आलम, करण केसी, नन्दन यादव, सन्दीप लामिछाने, सन्दीप जोरा, आरिफ सेख, ललित नारायण राजवंशी, गुलशन झा, सोमपाल कामी