BreakNLinks

आइतबार, २८ डिसेम्बर २०२६

राजनीति

‘टेरेस रिसोर्ट’मा के-के छन् सुविधा, कति पर्छ एक रातको?

आखिर कहाँ छ विलासी पर्यटकहरूका लागि बनेको ‘टेरेस रिसोर्ट’ एण्ड स्पा? प्रचण्ड लडेको रिसोर्ट छ ललितपुरको लाकुरी भञ्ज्याङमा। उक्त रिसोर्ट करिब एक सय करोड भन्दा बढी लगानीमा विलासी पर्यटकहरूलाई लक्षित गरी खोलिएको हो। के छ सुविधा? उक्त रिसोर्टमा २८ वटा २८ वटा स्यान्डर्ड, १६ वटा डिलक्स र २ वटा सुइट रुमसहित स्पाको पनि सुविधा छ। कति पर्छ प्रति रातको? विभिन्न प्रि-बुकिङ वेभसाइटमा उल्लेख गरिएअनुसार सबैभन्दा सस्तो स्यान्डर्ड रुमको मुल्य प्रतिरात २५ हजार नेपाली रुपैयाँ पर्छ। त्यस्तै डिलक्स रुमको मुल्य ३० हजार र सुइट रुमको प्रतिरात ६५ हजार नेपाली रुपैयाँ उल्लेख छ।

बिएल संवाददाता

बिएल संवाददाता - काठमाडौं

‘मिडियाले तल्लोस्तरको भाषा प्रयोग नगरोस्, सरकारबाट कुनै नियन्त्रण हुदैन’

प्रधानमन्त्री केपी शर्मा ओलीले अहिलेका मिडियालाई सरकारको तर्फबाट कुनै दबाब, निर्देशन र नियन्त्रण नभएको दाबी गरेका छन्। बुधबार गोरखापत्र प्रकाशनको १२५औं वर्ष प्रवेश तथा संस्थानको ६३औं वार्षिकोत्सव समारोहलाई सम्बोधन गर्दै ओलीले ३०-३५ वर्ष अगाडिसम्म मिडियाहरूलाई मनमा लागेको कुरा लेख्ने स्वतन्त्रता नभएको भन्दै अहिले प्रधानमन्त्री र सरकारबाट कुनै प्रकारको दवाब, निर्देशन, नियन्त्रण नभएको दाबी गरे। उनले भने, ‘गोरखापत्रले धेरै उतारचढाव देखेको छ। यही उतारचढावलाई झेल्दै विकास भएको छ। त्यो बेला कति गाह्रो थियो होला सम्पादकीय लेख्न आज त तपाई के सम्पादकीय लेख्नुहुन्छ त्यसमा कहिले सरकारबाट यसो लेख भनेको आएको छ र? प्रधानमन्त्रीबाट कहिले कुनै प्रकारको दबाब, निर्देशन, नियन्त्रण, इरासा भएको छ र? आँखा पनि झिम्काउदैन त्यता तिर सरकारले। आज त तपाईंहरू जे मनमा लाग्छ त्यही लेख्न स्वतन्त्र हुनुहुन्छ तर ३०, ३५ वर्ष अगाडिसम्म यस्तो स्वतन्त्रता थिएन।’ ओलीले अंग्रेजी भाषाको नक्कल गरेर अहिलेको मिडियाले तल्लो स्तरको भाषा प्रयोग गरेर नेपाली भाषाको कद घटाएको आरोप लगाए। ओलीले हजुरबुबा र नातीका लागि एउटै भाषा प्रयोग गर्न नहुने सुझाव मिडियाहरूलाई दिए।

बिएल संवाददाता

बिएल संवाददाता - काठमाडौं

घरमा होइन्, मध्यरातमा लाँकुरी भञ्ज्याङको टेरेस रिसोर्टमा थिए प्रचण्ड

धबार बिहान माओवादी (केन्द्र)का अध्यक्ष पुष्पकमल दाहाल (प्रचण्ड) शौचालयमा लडेको खबर एकाएक भाइरल भयो। माओवादी नेताहरूले प्रचण्ड आफ्नै निवासको बाथरुपमा लडेको दाबी गरे।  प्रचण्डपुत्री गंगा दाहालले मंगलबार राति वाथरुममा चिप्लिएर लडेपछि त्यही बेला उनलाई मेडिसिटी अस्पताल लगिएको जानकारी गराएकी थिइन्। ‘गएराति बाथरुममा  चिप्लिएर बुवाको निधारमा सामान्य बाहिरी चोट लागेकोले नजिकैको मेडिसिटी अस्पतालमा सामान्य चेकजॉचपछि घर फर्केर नियमित काममा संलग्न हुनुभएको जानकारी गराउँदछु’ गंगाले भनेकी थिइन्, ‘बुवाको स्वास्थ्यबारे चासो र चिन्ता राख्नुहुने सबैमा धन्यवाद।’

बिएल संवाददाता

बिएल संवाददाता - काठमाडौं

केही समय लाग्ला तर राजनीतिको नेतृत्व ‘नयाँ पुस्ता’ले नै लिन्छन्ः प्रदीप पौडेल

स्वास्थ्य तथा जनसंख्या मन्त्री प्रदिप पौडेलले केही समय लागेपनि राजनीतिको नेतृत्व पछिल्लो पुस्ताले नै लिने बताएका छन्। बुधबार काठमाडौंमा आयोजित एक कार्यक्रममा उनले केही समय लागे पनि अन्त्यमा नयाँ विषय ल्याउनेहरू कै पक्षमा नेतृत्व जाने र राजनीतिको नेतृत्व पनि पछिल्लो पुस्ताले नै लिने बताए। उनले भने, ‘यो मुलुकमा धेरै काम गर्नुपर्ने छ, तर गर्न सकिदैन भन्दै पलायन हुने होईन। गर्न सकिन्छ भनेर अगाडि बढ्नुपर्छ। समस्याको समाधान दिने हिसाबले नेतृत्वमा आउनु, जतिले चाहेपनि राजनीतिको नेतृत्व पछिल्लो पुस्ताले नै लिन्छ। केही समय लाग्न सक्छ तर अन्त्यमा नेतृत्व नयाँ विषय ल्याउनेहरू कै पक्षमा जान्छ।’ यस्तै, उनले विद्यार्थी आन्दोलनले साझा मुद्दा पहिचान गरेर त्यसको आधारमा अगाडि जाने अवस्था भयो भने राज्यमाथि पनि सकारात्मक हस्तक्षेप गर्न सक्ने बताए।

बिएल संवाददाता

बिएल संवाददाता - काठमाडौं

पाकिस्तानमा भारतको आक्रमणपछि ट्रम्पको प्रतिक्रियाः अनुमान पहिल्यै थियो, यो लाजमर्दो हो

भारतले पाकिस्तानमा आक्रमण गरेपछि अमेरिकी राष्ट्रपति डोनाल्ड ट्रम्पले उक्त घटनालाई लाजमर्दो भएको टिप्पणी गरेका छन् । बुधबार ओभल अफिस प्रवेश गर्ने क्रममा सञ्चारकर्मीहरूसँग कुराकानी गर्दै राष्ट्रपति ट्रम्पले तनाव चाँडै अन्त्य हुनेमा आफू विश्वस्त रहेको बताए। उनले भने, ‘यो लाजमर्दो कुरा हो। मलाई लाग्छ, मानिसहरूलाई लडाईं हुन सक्ने अनुमान पहिले नै थियो। म आशा गर्छु, यो तनाव चाँडै अन्त्य हुन्छ।’ गत अप्रिल २२ मा कश्मीरको पहलगाममा २७ जनाको ज्यान जाने गरी भएको आतङ्ककारी आक्रमणको बदलामा भारतले बुधबार पाकिस्तानका आतंकवादी अड्डामा हवाई आक्रमण गरेको दाबी गरेको छ।

बिएल संवाददाता

बिएल संवाददाता - काठमाडौं

पाँच भारतीय फाइटर विमान खसालेको पाकिस्तानको दाबी

पाकिस्तानी सेनाले पाँच भारतीय फाइटर विमान खसालेको दाबी गरेको छ। रोयटर्सले सार्वजनिक गरेको एक भिडियोमा पाकिस्तानका सैन्य प्रवक्ता अहमद शरीफ चौधरीले पाँच भारतीय फाइटर विमान खसालेको दाबी गरेका हुन्। उनले भनेका छन्, ‘अहिलेसम्म, म यहाँलाई पुष्टि गर्न सक्छु कि तीन राफेल, एक एसयू-३० र एक मिग-२९ सहित पाँच भारतीय विमान र एक हेरोन ड्रोन पनि खसालिएको छ।’ यद्यपि भारतले भने पाकिस्तानको दाबी र आफ्नो तर्फ भएको क्षतिबारे कुनै जानकारी गराएको छैन।

बिएल संवाददाता

बिएल संवाददाता - नयाँ दिल्ली

चीनले भन्यो, ‘पाकिस्तानमाथि भारतको आक्रमण दु:खद्’

एक विज्ञप्ती जारी गर्दै चिनियाँ विदेश मन्त्रालयले भारत र पाकिस्तान दुबै चीनका असल छिमेकी रहेको भन्दै परिस्थितिलाई अझ जटिल बनाउने काम नगर्न पनि भनेको छ।

बिएल संवाददाता

बिएल संवाददाता - काठमाडौँ

पाकिस्तानमाथि आक्रमण हुँदा रातभरि सुतेनन् मोदी

‘अपरेशन सिन्दूर’ नाम दिइएको यो आक्रमणमा कैयौको मृत्यु भएको भारतीय समाचार माध्यमहरूले जनाएका छन्। प्रधानमन्त्री मोदी रातभरि नै जाग्राम बसेर उक्त आक्रमणको निगरानी गरिरहेका थिए।

बिएल संवाददाता

बिएल संवाददाता - काठमाडौँ

भारतले सुरु गर्‍यो पाकिस्तानमाथि आक्रमण, नौ ठाउँमा क्षेप्यास्त्र प्रहार

सेनाले पाकिस्तानका विभिन्न नौ स्थानहरूमा क्षेप्यास्त्र प्रहार गरेको जनाएको छ। तर पाकिस्तानी सेनाले भने भारतले ३ ठाउँमा मिसाइल हानेको दाबी गरेको छ।

बिएल संवाददाता

बिएल संवाददाता - काठमाडौँ

गगनको मुख थुन्ने ‘हुकुम’विरुद्ध अक्षरको सलामी

नेपाललाई ‘बनाना रिपब्लिक’ बनाउन न्यायपालिकाको पनि अहम् भूमिका छ। ‘ढिलो न्याय दिनु पनि न्याय नदिनु सरह हो’ भन्ने भनाइलाई मान्ने हो भने नेपालमा न्याय भएकै छैन भन्दा पनि हुन्छ। तर, पनि त्यसो भन्न पाइदैन, भन्यो कि अदालतको अवहेलना भैहाल्छ। यही बीचमा गगन थापा बोले। श्रीमानहरूको हुकुम आयो- 'उप्रान्त यस विषयमा नबोल्नू।'

बिएल संवाददाता

बिएल संवाददाता - अमेरिका

एमाले धनुषा अधिवेशनमा झडप, रड प्रहारबाट कार्यकर्ताको टाउको फुट्यो

जनकपुरमा जारी एमाले धनुषाको आठौं जिल्ला अधिवेशनमा दुई पक्षबीच झडप हुँदा अवस्था तनावग्रस्त भएको छ। निर्वाचन हुने भनिएको महेन्द्रनारायण निधि मिथिला संस्कृति केन्द्रको हल र परिसरमा एमाले सचिव रघुवीर महासेठ र केन्द्रीय सदस्य उमाशंकर अरगरिया समूहबीच झडप भएको हो। ढुङ्गा र रडले हानाहान हुनुका साथै कुर्सी, पंडाल, रुखका हाँगालगायत प्राङ्गणमा भएका वस्तुहरूमा तोडफोड र हानाहान भएको हो। झडपमा केही स्थानीय नेता कार्यकर्ता घाइते समेत भएका छन्। केहीको टाउको फुटेको प्रहरीले बताएको छ। घाइतेहरूको विवरण आउन बाँकी छ। अधिवेशनमा अन्तिम नामावली प्रकाशनको विषयलाई लिएर दुईपक्षबीच विवाद हुँदा कुर्सी हानाहान सुरु भएको थियो। त्यसपछि विवादले उग्र रुप लिएको छ।

बिएल संवाददाता

बिएल संवाददाता - जनकपुरधाम

गभर्नर नियुक्तिमा भइरहेको ढिलाइमा ओलीको दोष छैन: देउवा

नेपाली कांग्रेसका सभापति शेरबहादुर देउवाले राष्ट्र बैंकको गभर्नर नियुक्तिमा भइरहेको ढिलाइमा प्रधानमन्त्री केपी शर्मा ओलीको कुनै दोष नरहेको बताएका छन्। ‘विद्यमान आर्थिक परिवेशमा बजेटले समेटनुपर्ने नीति’ विषयक संवाद गोष्ठीमा बोल्दै उनले राष्ट्र बैङ्कको आन्तरिक समस्याका कारण गभर्नर नियुक्तिमा ढिलाइ भएको बताएका हुन्। उनले भने, ‘अहिले एमाले पार्टीका नेता केपी ओलीसँग गठबन्धन छ। गठबन्धनमा कुनै समस्या छैन। अहिले राष्ट्र बैंकको गर्भनरको विषयमा हामीबीच कुनै  समस्या  छैन। गभर्नर नियुक्ति ढिलो हुनुमा राष्ट्र बैङ्कभित्रकै समस्याले हो। ओलीको कारणले होइन।’

बिएल संवाददाता

बिएल संवाददाता - काठमाडौं

सञ्चारमन्त्रीको अभिव्यक्तिः राजावादी आन्दोलनमा ज्यान गुमाउनेलाई सहिद घोषणा गर्न सकिन्न

सञ्चार तथा सूचना प्रविधिमन्त्री पृथ्वीसुब्बा गुरुङले चैत्र १५ गतेको राजावादीको आन्दोलनमा ज्यान गुमाउनेहरूलाई सहिद घोषणा गर्नुपर्ने मागप्रति असन्तुष्टि व्यक्त गरेका छन्। मंगलबारमा आयोजित विश्वसनीय पत्रकारिताका लागि सुचनाको हकको प्रयोग  विषयक अन्तर्किया कार्यक्रममा बोल्दै उनले राजावादीको आन्दोलनमा गएर ज्यान गुमाउने अनि त्यसलाई लोकतन्त्रवादीले सहिद घोषणा गरिदिनुपर्ने? भन्दै प्रश्न गरे।  उनले ‘पहिले आन्दोलनमा मरेका सबैलाई ज्ञानेन्द्रले सहिद घोषणा गरेका थिए?’ भन्दै प्रश्न गरे। ज्ञानेन्द्रको शासन आएमात्र सहिद घोषणा गर्ने तर वर्तमान सरकारले तीनकुने घट्नामा ज्यान गुमाएकालाई कुनै हालतमा नगर्ने स्पष्ट पारे।

बिएल संवाददाता

बिएल संवाददाता - काठमाडौं

पूर्वमन्त्री प्रदीप नेपालको निधन

पूर्वमन्त्री प्रदीप नेपालको निधन भएको छ। वामपन्थी नेता नेपालको मंगलबार नर्भिक अस्पतालमा उपचारका क्रममा निधन भएको पारिवारित स्रोतले जानकारी दिएको हो। उनी लामो समयदेखि गम्भीर स्वास्थ्य समस्याले थलिएका थिए।

बिएल संवाददाता

बिएल संवाददाता - काठमाडौं

संकटमा माधव नेपालः भ्रष्टाचारलाई ‘राजनीतिक रंग’ दिनु रास्वपालाई भारी

पूर्वप्रधानमन्त्री तथा नेकपा एसका अध्यक्ष माधवकुमार नेपाल ललिता निवास जग्गा प्रकरणपछि पतञ्जली योगपीठको जग्गा प्रकरणमा जोडिएका छन्। पतञ्जलीको हदबन्दी छुटको जग्गा व्यक्तिको नाममा पुगेको प्रकरणमा अख्तियार दुरुपयोग अनुसन्धान आयोगले नेपालसँग सुटुक्क बयानसमेत लिइसकेको खुलेको छ। २०६६ सालमा माधव नेपाल प्रधानमन्त्री भएको बेला पतञ्जली योगपीठलाई आयुर्वेद अस्पताल तथा जडिबुटी केन्द्रका नाममा दिइएको हदबन्दी छुटको जग्गा विक्री भएको प्रकरणमा अख्तियार दुरुपयोग अनुसन्धान आयोगले नेपालसँग बयान लिएको हो।

बिएल संवाददाता

बिएल संवाददाता - काठमाडौं

परराष्ट्रद्वारा एनआरएनएको नवनिर्वाचित कार्यसमितिलाई वैधानिकता प्रदान, मुद्दा फिर्ता

पूर्वअध्यक्ष शेष घलेको नेतृत्वमा गैरआवासीय नेपाली संघ (एनआरएनए)को एकता महाधिवेशन सम्पन्न भएसँगै परराष्ट्र मन्त्रालयले सर्वोच्च अदालतमा यसअघि पेस गरेको निवेदन फिर्ता लिएको छ। एकता महाधिवेशन सम्पन्न भइसकेको भन्दै मन्त्रालयले यसअघि आफैंले सर्वोच्च अदालतमा पेस गरेको निर्देशनात्मक आदेश कार्यान्वयनको समयावधि थप गर्नेसम्बन्धी निवेदन फिर्ता लिएको हो। परराष्ट्र सचिव अमृतबहादुर राईद्वारा जारी निवेदनमा अदालतको परमादेशअनुसार गठित उच्चस्तरीय समितिले गैरआवासीय नेपाली संघको महाधिवेशन र निर्वाचन सम्पन्न गरी नयाँ कार्यसमिति चयन गरिसकेको वैशाख २२ गते मन्त्रालयमा प्राप्त भएको उल्लेख छ।

बिएल संवाददाता

बिएल संवाददाता - काठमाडौं

कुलमानलाई हटाउँदा प्रचण्डको ‘मुटुमै गोली’ लागेजस्तो भयोः योगेश भट्टराई

नेकपा (एमाले)का सांसद योगेश भट्टराईले कुलमान घिसिङलाई नेपाल विद्युत प्राधिकरणको कार्यकारी निर्देशकबाट हटाउँदा माओवादी केन्द्रका अध्यक्ष प्रचण्डलाई मुटुमै गोली लागेको जस्तो भइरहेको टिप्पणी गरेका छन्। मंगलबार प्रतिनिधिसभाको बैठकलाई सम्बोधन गर्दै उनले कर्मचारी हटाउन पाउनु सरकारको अविशिष्ट अधिकार रहेको बताए। उनले भने, ‘केही कर्मचारीलाई सरकारले हटायो। यो सरकारको अविशिष्ट अधिकार पनि हो। यसमा समिक्षा गर्न सकिएला। तर म कमरेड प्रचण्डलाई भन्न चाहन्छु- तपाईंले प्रधानसेनापतिलाई नै हटाउनु भएको थियो त? एकपटक सम्झिनु त अस्तिको कार्यकालमा काम गरिरहेको मुख्य सचिवलाई हटाउनुभयो। अनि अर्को मुख्यसचिव ल्याउनुभयो। अनि केपी ओली नेतृत्वको सरकारले एउटा सहसचिवलाई हटाउँदा तपाईंको मुटुमै गोली लागेको जस्तो किन भएको छ? यो त मुटुमै गोली लागेको जस्तो भयो नि त।’

बिएल संवाददाता

बिएल संवाददाता - काठमाडौं

नेपालमा स्वास्थ्य जनशक्तिको ‘अभाव छैन’ तर टिकाउनै गाह्रो छः स्वास्थ्यमन्त्री

स्वास्थ्य तथा जनसंख्यामन्त्री प्रदीप पौडेलले नेपालमा स्वास्थ्य जनशक्तिको अभाव नभए पनि टिक्ने स्थिति नरहेको बताएका छन्। मंगलबार चिकित्सा विज्ञान राष्ट्रिय प्रतिष्ठानको २३औं स्थापना दिवसको अवसरमा आयोजित कार्यक्रममा बोल्दै उनले काठमाडौंभित्र स्वास्थ्य संस्थाहरूमा निर्वाह हुने जनशक्ति रहे पनि काठमाडौं बाहिर जनशक्तिको पूर्ण रुपमा अभाव भएको बताएका हुन्। उनले भने, ‘नेपालमा स्वास्थ्य जनशक्तिको अभाव छ भनेर भन्ने स्थिती छैन। तर टिक्ने कुरा असाध्यै मुस्किल छ। टिकाउने कुरा असाध्यै गाह्रो बनिरहेको छ। काठमाडौंभित्र स्वास्थ्य संस्थाहरूमा निर्वाह हुने जनशक्ति छ। तर काठमाडौं बाहिर जनशक्तिको पूर्ण रुपमा अभाव भएको स्थिति छ। त्यसैले जनशक्ति उत्पादन गर्ने, नेपालभित्रै टिकाउने र काठमाडौं बाहिर दूरदराजमा स्वास्थ्य सेवा उपलब्ध गराउनका निम्ती खटिने स्थिती हामीले बनाउन सक्नुपर्छ। त्यसका लागि उत्पादन प्रक्रियालाई सहज बनाउन जरुरी छ। जनशक्ति उत्पादन कम खर्चिलो, नागरिकको आर्थिक दायित्व नहुने राज्यको आवश्यकता भएको कारणले राज्यले लगानी गरेर उत्पादन गर्ने स्थिती हामीले बनाउन जरुरी छ।’

बिएल संवाददाता

बिएल संवाददाता - काठमाडौं

ललिता निवासपछि ‘पतञ्जली जग्गा’मा जोडिए माधव नेपाल, रास्वपाले भन्योः राजनीतिक प्रतिशोध

राष्ट्रिय स्वतन्त्र पार्टीले नेकपा एसका अध्यक्ष माधवकुमार नेपाललाई सरकारले पतञ्जलीको जग्गा प्रकरणमा राजनीतिक प्रतिशोध साँधेको आरोप लगाएको छ। मंगलबार प्रतिनिधि सभा बैठकमा बोल्दै रास्वपा प्रवक्तासमेत रहेका सांसद मनिष झाले आफ्ना सभापति रवि लामिछानेपछि अब सरकारले माधव नेपालसँग प्रतिशोध साँध्न वयान लिइएको आरोप लगाए। उनले अब सरकारको विरोधमा रहेका दलका नेताहरूमाथि धमाधम प्रतिशोध साँध्न लागिएको बताए। उनले भने, ‘हालसालै भइराखेको राजनीतिक प्रतिशोधको केही घटनाहरूमा पार्टीको तर्फबाट ध्यानाकर्षण भएको, हाम्रो सरोकार रहेको कुरा राख्न चाहन्छौं। हाम्रो पार्टी सभापतिप्रति भएको भयो, हालसालै रेशम चौधरीप्रति भयो। माधवकुमार नेपालको पनि बयान लिइँदैछ भन्ने सुन्दैछौं। अब के सिके राउतप्रति आक्रमण हुन्छ कि?’

बिएल संवाददाता

बिएल संवाददाता - काठमाडौं

बजेटबारे सुझाव लिन अर्थमन्त्रीले भेटे विपक्षी दलका नेता

अर्थमन्त्री विष्णु पौडेलले प्रमुख प्रतिपक्षी दलका नेता (माओवादी केन्द्र)का अध्यक्ष पुष्पकमल दाहाल (प्रचण्ड)सँग भेटवार्ता गरेका छन्। पौडेल मंगलबार प्रचण्डको निवास खुमलटारमा पुगेर प्रचण्डसँग भेटघाट गरेका हुन्। आगामी आर्थिक वर्षको बजेट निर्माणको सन्दर्भमा अर्थमन्त्री पौडेलले प्रमुख प्रतिपक्ष दलका शीर्ष नेतासँग विमर्श गरेको बताएका छन्।

बिएल संवाददाता

बिएल संवाददाता - काठमाडौं

ट्रेन्डिङ