नेपाली राष्ट्रिय पुरुष फुटबल टोलीले फिफा विश्वकप २०२२ को छनोट चरण अन्तर्गत दोस्रो चरणको चौथो खेलमा आज जोर्डनको सामना गर्दैछ ।
प्रशिक्षक योहान कालिनले जोर्डनविरुद्ध सुरुवाती ११ मा ३ खेलाडी परिवर्तन गरेका छन्l
पछिल्लो खेलमा बेन्चबाट मैदान प्रवेश गरेका फरवार्ड विमल घर्तीमगर जोर्डनविरुद्ध सुरुवाती रोजाइमा रहेका छन् । उनलाई रवी पासवान, सुजल श्रेष्ठ र अन्जन विष्टले साथ दिनेछन् ।
मिडफिल्डको मध्यभागमा रोहित चन्द र सन्तोष तामाङ रहेका छन् ।
डिफेन्सको मध्यभागमा अनन्त तामाङ र देवेन्द्र तामाङको जोडीले निरन्तरता पाएको छ । बायाँ डिफेन्समा सुमन अर्याल र दायाँमा दिनेश राजवंशी रहेका छन् । टोलीको कप्तानी गोलरक्षक किरण चेम्जोङले नै सम्हाल्नेछन्
खेल नेपाली समयअनुसार रातको ९ः४५ बजे सुरु हुनेछ ।खेल एनटिभी प्लसले लाइभ दिनेछ ।
