भारतीय प्रधानमन्त्री नरेन्द्र मोदीको दोस्रो कार्यकालमा पार्टी अध्यक्ष अमित शाह गृहमन्त्री नियुक्त भएका छन्। पूर्व विदेश सचिव एस जयशंकरलाई विदेशमन्त्रालयको जिम्मेवारी सुम्पिएको छ।
शुक्रबार सार्वजनिक मन्त्रालय बाँडफाँडमा शाहलाई गृहमन्त्रालय सुम्पिएको हो। मोदीको पहिलो कार्यकालमा गृहमन्त्री बनेका राजनाथ सिंहलाई रक्षा मन्त्रालयको जिम्मेवारी सुम्पिएको छ।
४ वर्षअघि नेपालको संविधान निमार्णको प्रक्रिया अवरुद्ध गर्न मोदीको विशेषदूत बनेर काठमाडौं आएका जयशंकरलाई विदेश मन्त्रालयको कार्यभार सुम्पिएको हो। उनलाई सुषमा स्वराजको स्थानमा विदेश मन्त्रालय सुम्पिने पहिलेदेखि नै आशा गरिएको थियो।
मोदी सरकारमा रक्षामन्त्री रहेकी निर्मला सितारमणलाई अर्थमन्त्रालयको जिम्मेवारी सुम्पिएको छ।
गान्धी–नेहरुको गढ मानिएको अमेठीमा कंग्रेस अध्यक्ष राहुल गान्धीलाई पराजित गरेकी पूर्व टेलिभिजन अभिनेत्री स्मृती इरानीलाई महिला तथा बालबालिका मन्त्रालयको जिम्मेवारी सुम्पिएको छ। यसअघि यो मन्त्रालयको मन्त्री मेनका गान्धी थिइन्।
हेर्नुहोस् कसलाई कुन मन्त्रालय
- अमित शाह- गृह मन्त्री
- राजनाथ सिंह -रक्षा मन्त्रालय
- निर्मला सीतारमण -वित्त मन्त्रालय
- रमेश पोखरियाल निशंक-मानव संसोधन विकास मन्त्रालय
- हर्षवर्धन- स्वास्थ्य, विज्ञान एवं तकनीक, पृथ्वी विज्ञान मन्त्री
- नितिन गडकरी- सडक परिवहन मन्त्री
- स्मृति इरानी- महिला एवं बाल विकास मन्त्री
- एस जयशंकर- विदेश मन्त्रालय
- पीयूष गोयल- रेल मन्त्रालय एवं वाणिज्य मन्त्रालय
- धर्मेन्द्र प्रधान- पेट्रोलियम मन्त्रालय, इस्पात मन्त्रालय
- रविशंकर प्रसाद- कानून मन्त्रालय
- नरेन्द्र सिंह तोमर - कृषि मन्त्रालय
- डी सदानन्द गौडा- रसायन एवं उर्वरक मन्त्रालय
- मुख्तर अब्बास नकवी- अल्पसंख्यक मामिला मन्त्री
- महेन्द्र नाथ पाण्डेय- कौशल विकास मन्त्रालय
- रामविलास पासवान- खाद्य एवं आपूर्ति मन्त्री
- हरसिमरत कौर बादल- खाद्य प्रसंस्करण उद्योग मन्त्री
- थावर चन्द गहलोतः सामाजिक न्याय तथा अधिकारिता मन्त्री
- अर्जुन मुण्डा- जनजातीय मामला मन्त्री
- प्रकाश जावडेकर- सूचना एव प्रसारण तथा पर्यावरण मन्त्री
- प्रल्हाद जोशी- संसदीय मामला, कोयला एवं खनन मन्त्री
प्रकाशित मिति:
: 2019-05-31 13:31:53
