देशकै निम्ति प्राण आहुति दिए, वीर सपूत देशका
झण्डाको कफन ओढी निदाए, धीर सपूत देशका

तुच्छ, नीच अमानवीय षड्यन्त्रकारीहरु नभुल!
खारिँदैछन् ज्वालामा बलेका, झिर सपूत देशका

बाचा कसम थिए होला छिट्टै फर्कि आउछु भन्ने
परिवार देशको भार बोक्ने, माहिर सपूत देशका

इतिहासले चुम्ने छ तिम्रा बलिदानका पदहरु
खेर जाँदैनन् यी देन,नमान पीर सपूत देशका

आफै जले वतनकालागि यी अमर शहीद महान्
तर झुक्न दिएनन् राष्ट्रको शिर सपूत देशका ।।