दिपक दिपाको फिल्म ‘छ माया छपक्कै’को फर्स्ट लुक सार्वजनिक भएको छ। दिपेन्द्र लामाले निर्देशन गरेको फिल्मको फर्स्ट लुक स्वरूप निर्माण टिमले एक पोस्टर सार्वजनिक गरेको छ।

सार्वजनिक पोस्टरमा केकी अधिकारी घुम ओडिरहेकी छिन् भने दिपक राज गिरी, जितु नेपाल र केदार घिमिरे केकी तिर नजर लगाईरहेका छन्।

उनीहरु डोको माथि हात राखेर केकीलाई हेरिरहेका छन्। यो लुकले फिल्ममा केहि फरकपन भएको आभाष गराउँछ । दिपक– दिपाको फिल्म भनिए पनि पोस्टरमा दिपा श्री निरौला अटाएकी छैनन्।

फिल्ममा दिपक राज गिरी, केकी अधिकारी, जितु नेपाल, केदार घिमिरे, दिपा श्री निरौला लगायत कलाकारको अभिनय रहेको छ ।

रोहित अधिकारीको लगानी रहेको फिल्ममा जितु नेपाल र केदार घिमिरे कार्यकारी निर्माता रहेका छन्।

सुमन गिरी भान्जा, ताराप्रसाद बजगाईं, दिपेन्द्र खनिया, केशव न्यौपाने, सुरज बम ठकुरी, रविन डाँगी सह निर्माता रहेका फिल्म दशैंमा रिलिज गर्ने लक्ष्य छ। तर अझै प्रदर्शन मिति तय भएको छैन।