लण्डन । आयरल्यान्डविरूद्धको टेष्टमा घरेलु टोली इंग्ल्यान्ड पहिलो इनिङमा ८५ रनमै अल आउट भएको छ।
लर्डसमा टस जितेर पहिला ब्याटिङ रोजेको इंग्ल्यान्डले २३.४ ओभरमै अल आउट हुँदै ८५ रनमा समेटियो।
इंग्ल्यान्डका लागि जोन डेनली २३, साम करन १८ र ओल्ली स्टोनले १९ रन बनाउनुबाहेक बाँकी ८ ब्याट्सम्यानले दोहोरो अंकमा रन जोड्न सकेनन्।
टेष्टमा डेब्यू गरेका ओपनर जोसन रोय ५, रोरी बन्र्स ६, कप्तान जो रुट २, विकेटकीपर जोनी बेयरस्टो, मोइन अली र क्रिस वोक्स डक आउट भए।
इंग्ल्यान्डलाई सस्तैमा रोक्न टिम मुतर्गले ९ ओभरमा २ मेडनसहित १३ रन खर्चेर ५ विकेट लिए।
त्यस्तै मार्क अदिरले ७.४ ओभरमा १ मेडन सहित ३ र बोयड रन्किनले २ विकेट लिए।
इंग्ल्याण्ड भ्रमणमा रहेको आयरल्याण्डले विश्वकप विजेता टिम इंग्ल्याण्डसँग एक खेलको सिरिज खेल्नेछ ।
.jpg)
.JPG)
