शुक्रबार राजावादी समुहले काठमाडौंको तीनकुनेलगायत स्थानमा तोडफोडसहित आगजनी गरेपछि शनिबार गृहमन्त्री रमेश लेखकले उक्त स्थानहरूमा स्थलगत अनुगमन गरेका छन्।
गृहमन्त्री लेखक तीनकुने पुगेर तोडफोडबाट पुगेको क्षतिको अनुगमन गरेका हुन्। राजतन्त्रवादीहरूको आन्दोलनका क्रममा तीनकुने क्षेत्रमा ठूलो मात्रामा जनधनको क्षति भएको छ। पत्रकारसहित दुईजनाको मृत्यु हुँदा धेरै घरहरूमा तोडफोड, आगजनी, र व्यापारिक कम्प्लेक्समा लुटपाटका घटना भएका थिए।
