आफूलाई सरकारले नेपाल विद्युत प्राधिकरणको कार्यकारी निर्देशकबाट पदमुक्त गरेपछि कुलमान घिसिङ सर्वोच्च अदालत पुगेका छन्।
आफूलाई पदमुक्त गर्ने मन्त्रिपरिषदको निर्णय बदर गर्दै कार्यकारी निर्देशकमा पुनःस्थापना गर्नुपर्ने मागसहित उनी सर्वोच्च पुगेका हुन्।
उनले नेपाल सरकार, ऊर्जा मन्त्रालय, नेपाल विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्य लगायतलाई विपक्षी बनाएका निवेदन दिएका छन्।
प्रतिनिधिमार्फत कुलमानले पेश गरेको निवेदनमा बिनागल्ती सरकारले बदनियतका साथ स्पष्टीकरण सोधेर आफूलाई गलत ढंगले पदमुक्त गरेको दाबी गरिएको छ।
उनको निवेदन बुधबार साँझ करिब ५ बजेतिर सर्वोच्च अदालतमा पेस भएको सर्वोच्च स्रोतले बताएको हो।
