अमेरिकाले कानुनविपरीत काम गर्नेहरूलाई देशबाट निकाला गरिने भन्दै चेतावनी दिएको छ। नेपालस्थित अमेरिकी दूतावासले एक सूचना जारी गर्दै यसबारे सचेत गराएको हो।
अमेरिकी भिसा जारी भइसकेपछि पनि त्यसको जाँचबुझ नरोकिने भन्दै दूतावासले अमेरिकी कानुन र आप्रावसन सम्बन्धि कानुनहरूको पालनाबारे भिसाबाहकहरूलाई चेतावनी दिएको छ।
‘अमेरिकी भिसा जारी भइसकेपछि पनि भिसा जाँचको क्रम रोकिँदैन। सबैले अमेरिकी कानुन र आप्रवासन नियमहरू पालना गरिरहेका छन् भन्ने सुनिश्चित गर्न हामी निरन्तर रूपमा भिसा वाहकहरूको जाँच गर्छौं’ दूतावासले भनेको छ ‘र यदि उनीहरूले नियम उल्लंघन गरेको खण्डमा हामी उनीहरूको भिसा रद्द गरी देशबाट निष्कासन गर्नेछौं।’
