नेकपा माओवादी केन्द्रका अध्यक्ष पुष्पकमल दाहाल प्रचण्डले तस्बिर जलाउँदैमा पक्राउ गर्नु उचित नहुने बताएका छन्।
आइतबार सामाजिक सञ्जाल फेसबुकमार्फत उनले लोकतन्त्रमा विरोधका विभिन्न रुप हुने भएकोले फोटो जलाउँदैमा गिरफ्तार गर्न नहुने बताएका हुन्।
उनले भनेका छन्, ‘लोकतन्त्रमा विरोधका विभिन्न रुप हुन्छन्। फोटो जलाउँदैमा गिरफ्तार गर्नु उचित हुँदैन।’
शनिबार प्रचण्डको तस्बिर जलाएका राप्रपाका युवा नेता निराजन बम पलाँतालाई आइतबार मकवानपुर प्रहरीले पक्राउ गरेको थियो। पलाँता पक्राउ परेपछि प्रचण्डले यस्तो टिप्पणी गरेका हुन्।
