त्रिकोणात्मक महिला टी-२० अन्तर्राष्ट्रिय शृङ्खलाअन्तर्गत थाइल्याण्डविरुद्ध नेपालले जितका लागि १ सय ७ रनको लक्ष्य पाएको छ।
टस जितेर पहिले ब्याटिङ गरेको थाइल्याण्डले निर्धारित २० ओभरमा ६ विकेट गुमाउँदै १ सय ६ रन बनायो।
थाइल्याण्डका लागि चनिदा सुथिरुआङले सर्वाधिक २७ रनको योगदान दिइन्। त्यस्तै थिपाट्चा पुथावोङले २५ रन बनाउँदा नानापाट कोंचारोन्काईले १९ रन बनाइन्। त्यस्तै अफिसारा सुवानचोंराथीले १७ रन तथा नाटाया बुचाथामले १० रनको योगदान दिए।
बलिङमा नेपालका लागि मनिषा उपाध्यायले ४ ओभरमा १ मेडनसहित १८ रन खर्चेर ३ विकेट लिइन्। त्यस्तै पूजा महतो र रचना चौधरीले १-१ विकेट लिए।
अहिले नेपाल जवाफी ब्याटिङमा उत्रेको छ। पावर प्लेमै नेपालको ब्याटिङ लाइन धारासायी बनेको छ।
