नेपाली कांग्रेसका जनप्रतिनिधिले पोखरा महानगरपालिकामा तालाबन्दी गरेका छन्।
सोमबारको नगरसभा एमालेका जनप्रतिनिधिहरूले बहिष्कार गरेपछि असन्तुष्ट कांग्रेस जनप्रतिनिधिहरूले मेयर, उपमेयरसहित प्रमुख प्रशासकीय अधिकृतको कार्यकक्षमा ताला लगाएका हुन्।
विशेष नगरसभाको निर्णय कार्यान्वयन नभएको भन्दै सोमबार बसेको १६ औं नगरसभा एमालेले बहिष्कार गरेको थियो। बैठक सुरु भएलगत्तै एमालेका जनप्रतिनिधिहरूले सिटबाट उठेर नगरसभामा अवरोध गरेका थिए। एकछिनको रस्साकस्सीपछि एमाले जनप्रतिनिधतिहरू नगरसभा बहिष्कार गर्ने भन्दै बाहिरिएका थिए।
एमालेले सभा बहिष्कार गरे पनि सत्ता गठबन्धनकै अर्को दल कांग्रेसका जनप्रतिनिधिहरूले भने सभामा बहुमत रहेको भन्दै बैठक चलाउन दवाब दिएका थिए। यद्यपि मेयर धनराज आचार्यले नगरसभा स्थगित गरेका थिए।
.jpg)
