आइतबार साँझ नेपाल प्रहरीका कर्मचारीले ‘पावर देखाएको’ भन्दै सर्वसाधारणमाथि बुट बजारेको एक भिडियो सामाजिक सञ्जालमा भाइरल भयो। प्रहरी चेकिङका क्रममा दुई पाङ्ग्रे सवारीका चालकले आफन्तलाई फोन गर्न खोजेपछि प्रहरीले उनीमाथि निर्घात कुटपिट गरेको भिडियोमा देखिन्छ।
भिडियो-
सामाजिक सञ्जाल प्रयोगकर्ताहरूले यो घटना चितवनको भएको उल्लेख गरेका छन्। घटनाबारे छानबिनका लागि समिति बनाएर काम सुरु भइसकेको चितवन प्रहरी प्रमुख एसपी गौतम मिश्रले बताए।
चितवनको घटना भनिएकोले छानबिनका लागि डीएसपी ज्ञान कुमार महतोको नेतृत्वमा समिति गठन गरिएको उनले बताए। यद्यपि घटनाबारे विस्तृत जानकारी थाहा भइनसकेको उनले बताए।
भन्छन्, ‘चितवनको घटना भनिएकोले यहाँबाट छानबिन सुरु भएको छ। एरिया चैं बसेनी तिरको भनिएको छ। कुन मितिको हो। कसले गरेको हो भन्ने बुझ्दै छौं। कुटपिट निर्मम देखिन्छ। समितिले सत्यतथ्य छानबिन गरेपछि संलग्नमाथि कारबाही हुन्छ।’
.jpg)
