नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले वर्तमान सरकार आफैँ ढल्ने बताएका छन्।
मंगलबार सिन्धुपाल्चोकको सुकुटेमा सञ्चारकर्मीसँग कुरा गर्दै उनले कांग्रेसको संस्थापन पक्षका नेताहरूमा असन्तुष्टि बढ्दै गइरहेकाले यो सरकार छिट्टै ढल्ने बताएका हुन्।
एमाले अध्यक्ष केपी शर्मा ओली नेतृत्वको सरकार अप्राकृतिक, अपारदर्शी र असंवैधानिक भएकाे बताउँदै उनले भने, ‘यो सरकार रहिराखोस् भन्ने हाम्रो चाहना त हुँदै होइन। तर अप्राकृतिक भएकाले ढल्नु नै छ, ढलिहाल्छ। हामीले धेरै बल गर्नै पर्दैन। यसको आयु धेरै छ जस्तो लाग्दैन, मैले मिति नै तोक्न सक्ने र मिल्ने कुरा होइन। कांग्रेसकै संस्थापनमै पक्षका नेताहरूको असन्तुष्टिले यो सरकार सहज ढंगले अगाडि जाने देखिएको त छैन।’
त्यसैगरी सरकार आफैंले पनि आयु छोड्याइरहेको प्रचण्डकाे भनाइ छ।
.jpg)
