सिद्धार्थ बैंक नेपाल प्रिमियर लिग (एनपिएल)मा साेमपाल कामी कप्तान रहेकाे कर्णाली याक्सले पहिलाे जित दर्ता गरेकाे छ।

शुक्रबार कीर्तिपुरस्थित त्रिवि क्रिकेट मैदानमा चितवन राइनाेजलाई ६ विकेटले पराजित गर्दै कर्णालीले पहिलाे जित दर्ता गरेकाे हाे।

कर्णालीले चितवनले दिएकाे १३१ रनकाे लक्ष्य अन्तिम १ बल बाँकी रहँदा ४ विकेट गुमाएर पूरा गर्याे।

कर्णालीकाे जितमा भारतीय क्रिकेटर शिखर धवनले ४५, चाणविक वाल्टनले ३०, देव खनालले २५ र जिसान मक्सुदले अविजित १२ रन प्रहार गरे।

चिवनका रवि बाेपरा, कप्तान कुशल मल्ल र जान निकाेल लाेफ्टी इटनले १-१ विकेट लिए।

त्यसअघि टस हारेर पहिले ब्याटिङ गरेकाे चितवनले निर्धारित २० ओभरमा १३० रन बनाएकाे थियाे। चितवनका बाेपराले अर्धशतक प्रहार गरेता पनि जितकाे लाग पर्याप्त भएन। उनले ४० बलमा ७ चाैका र १ छक्का मद्दतमा ५९ रन प्रहार गरे।

त्यस्तै कप्तान मल्लले २३ र विपिन रावलले ११ रन प्रहार गर्नुबाहेक अन्य खेलाडीले दाेहाेर अंका जाेड्न सकेन्।

कर्णालीका विपिन शर्माले ३ विकेट लिए। र, उनी नै प्लेयर अफ दि म्याच भए। भने, मक्सूदले २ तथा साेमपाल कामी र नन्दन यादवले १-१ विकेट लिए।

एनपिएलमा कर्णालीकाे याे पहिलाे जित हाे।

अहिलेसम्मकाे खेल तालिकाअनुसार ३ खेलमा शतप्रतिशत जित निकाले जनकपुर बाेल्ट्स पहिलाे, २ खेलमा २ जित निकालेकाे सुदूरपश्चिम दाेस्राे, ३ खेलमा २ जित निकालेकाे चितवन तेस्राे र ३ खेलमा १ जित हात पारेकाे कर्णाली चाैथाे स्थानमा रहेकाे छ।