कपिलवस्तुमा पेस्ताेल बाेकेर बाइक चाेरी गर्दै गरेका एक जना पक्राउ परेका छन्।

पक्राउ पर्नेमा मायादेवी गाउँपालिका–६ बडसुडुवाका २१ वर्षीय सद्दाम हुसेन फकिर रहेका छन्।

उनलाई इलाका प्रहरी कार्यालय पकडीबाट खटिएकाे टाेलीले साेमबार साढे पाँच बजे पक्राउ गरेकाे हाे।

मायादेवी–६ डुमरामा माेटरसाइकल चाेरी गर्दै गरेकाे सूचनाका आधारमा गएकाे प्रहरीले उनलाई पेस्ताेलसहित पक्राउ गरेकाे जिल्ला प्रहरी कार्यालय कपिलवस्तुले जानकारी दिएकाे छ।

फकिरकाे साथबाट कालो रङ्गको ४.५ मिलि मिटरकाे क्यालिवरको एक थान पेस्ताेल, सोही पेस्तोलमा लाग्ने ४३ थान छर्रा, पेस्तोलममै प्रयोग हुने धमाका ६ थान, १ थान मोबाइल प्रहरीले नियन्त्रणमा लिएकाे छ।

उनीमाथि तहतियार तथा खरखजाना सम्बन्धी कसूर मुद्दामा अहिले अनुसन्धान भइरहेकाे छ।