ठगी सम्बन्धी कसूरमा संलग्न रहेको आरोपमा रुपन्देहीका निलकण्ठ डुम्रे पक्राउ परेका छन्। उनी रुपन्देहीकाे सैनामैना नगरपालिका ६ निवासी हुन्।
जिल्ला प्रहरी कार्यालय रुपन्देहीकोसमन्वयमा इलाका प्रहरी कार्यालय बुटवलले उनलाई पक्राउ गरेकाे हाे।
डुम्रेलाई पक्राउ गरी जिल्ला प्रहरी परिसर काठमाडौँमा पठाइएकाे काठमाडौँ उपत्यका अपराध अनुसन्धान कार्यालयले जनाएकाे छ।
उनलाई भक्त सिजालीको जाहेरीपछि ठगी सम्बन्धी मुद्दामा काठमाडौँ जिल्ला अदालतले पक्राउ पुर्जी जारी गरेकाे थियाे।
४३ वर्षीय उनी आफ्नै गाउँबाटै पक्राउ परेका हुन्।
