चितवनको एकता शिशु निकेतनको होस्टेलमा मृत भेटिएकी बालिका शालीन पोखरेलको अन्त्येष्टि गरिएको छ। त्रिवि शिक्षण अस्पतालमा पोस्टमार्टपछि मंगलबार पशुपति आर्यघाटमा अन्त्येष्टि गरिएको हो।
अन्त्येष्टिमा सहभागीहरुले शालीन पोखरेलको परिवारलाई न्याय दिनुपर्ने भन्दै नारा लगाएका थिए। उनीहरूले शालीन मृत्यु प्रकरणको निष्पक्ष छानबिन हुनुपर्नेमा माग गरेका छन्।
१४ वर्षीया शालीन रत्ननगर नगरपालिका वडा नम्बर १० स्थित एकता शिशु निकेतनको होस्टलमा फागुन १२ गते मृत फेला परेकी थिइन्।
पोष्टमर्टम रिपोर्टमा उनको झुण्डिएर मृत्यु भएको देखिएको छ। तर, उनका आफन्तहरुले त्यसलाई स्वीकार गरेका छैनन्।
मृत्यु भएपछि मृतकका आफन्तले उनको हत्या र बलात्कार भएको भन्दै थप अनुसन्धान गर्नुपर्ने माग गर्दै आएका छन।
.jpeg)
