पश्चिम नेपालको जाजरकोटलाई केन्द्रबिन्दु बनाएर गएको शक्तिशाली भूकम्पका प्रभावितलाई सहयोग गर्न भन्दै सरकारी तथा गैरसरकारी क्षेत्रबाट विभिन्न खाले सहायताको घोषणा भइरहेको छ।
विगतका विभिन्न विपद्का घटनामा पनि त्यस्ता सहायताका घोषणा हुने गरेका र कतिपय सहायता रकम तथा सामग्रीको दुरुपयोग भएका विवरणहरू पनि आएका थिए।
त्यस्ता ‘अनियमितता’हरूको उदाहरण दिँदै विपद् व्यवस्थापनमा पहिले काम गरिसकेका पूर्व सरकारी अधिकारीहरूले त्यस्ता गतिविधिप्रति बेलैमा चनाखो हुन सरकारलाई आग्रह गरेका छन्।
उपप्रधान तथा गृहमन्त्री नारायणकाजी श्रेष्ठले राहत तथा सहायता एकद्वार प्रणालीबाट वितरण हुने जानकारी दिएका छन्।
