सुरक्षाको माग गर्दै आज देशभरका अस्पतालमा आकस्मिकबाहेकका सेवा ठप्प पारेर डाक्टरहरु आन्दोलनमा उत्रिएका छन्। 

यही भदौ २७ गते सन्चो अस्पताल हेटौँडाका दुई जना चिकित्सकमाथि कुटपिट भएको थियो। त्यही घटनालाई लिएर चिकित्सक संघको आह्वानमा डाक्टरहरुले अस्पतालमा सेवा ठप्प पारेका छन्। 

आन्दोलनरत डाक्टरहरुले हामी भगवान होइनौँ केवल इमान्दार प्रयास मात्र गर्न सक्छौँ, हिंसा समस्या हो समाधान होइन, सम्बृद्धिको आशै छैन, सुरक्षा त देउ, होइन भने सेतो कोट र स्टेथेस्कोप तिमी नै लेउलगायतको नारा लेखेको प्लेकार्ड बोकेर आन्दोलनमा उत्रिएका छन्। 

सँगै देशभरका अस्पतालमा आकस्मिकबाहेकका सेवा बन्द हुँदा नागरिक भने मारमा परेका छन्। टाढा–टाढाबाट अस्पतालमा आएका नागरिक मारमा परेका हुन्। नागरिकहरुले अस्पतालमा बन्द भएपछि डाक्टरमाथि आक्रोश व्यक्त गरेका छन्।